بلخ ولایت سرپرستی عطامحمد نورنینگ آگاهلنیتریب ایتیشیچه، ترورچی گروهلر ینگی لباس همده زمانوی امکانیتلر بیلن فعالیتگه باشلهگن.
جناب نور، بو قبل سوزلرنی پنجشنبه کونی افغانستان شمالیده جایلشگن بلخ ولایتیده عبدالعلی مزاری وفاتی مناسبتی بیلن اوتکزیلگن ییغینده اشتراک قیلیب تیلگه آلگن.
اونگه کوره، مذگور گروهگه نسبتن بیفرق قالیشی یامان عاقبتگه باعث بولهدی. طالبلرنی کویگن مهرهلرگه اوزگرگنلیگی بارهسیده سوز یوریتگن جناب نور، داعش منطقه بولیب معین برنامه اساسیده چیققنلیگینی بیلدیرگن. شونینگدیک افغانستانده داعش گروهی جانللنیشی توغریسیده تشویش بیلدیرگن عطامحمد نور، دشمننینگ برنامهسینی قونت بیلن دَرک قیلیش لازم دیگن.
شونینگدیک اسلام همده مسلمانلر اوچون داعش گروهی آلدیندن توزهتیلگن بیر حرکت بولگنلیگینی تیلگه آلگن. سونگی وقتلرده افغانستاننینگ ایریم ولایتلریده داعشگه قرهشلی گروهلر فعالتیگه باشلهگنلیگی مدیا آرقهلی عکس ایتیریلیب کیلماقده، ولایت سرپرستیگه کوره، افغانستاندهگی داعشلر اوشه سابق طالبلردن عبارت شخصلر دیر.
اولرنینگ فقط لباسی المشتیریلیب داعش بولگنلر. عین حالده، عطامحمد نور حکومتدن مذکور مساله اوچون بیفرق یاندهشمسلیگینی سورهگن. شونینگدیک عطامحمدنور انسان حق حقوقلری بوییچه کوزهتووچی ادارهنینگ ترقتگن گزارشینی رد قیلگن. او، بوندهی برنامهلر افغانستانلیک مهاجد همد نخبهلرنی بدنام ایتیلیشی اوچون یولگه قوییلگن بیر پروفاگند دیگن. انسان حق حقوقلری بوییچه اداره بوندن بیر هفته آلدین ترقگن گزارشیده افغانستان حکومتیدن زوروان همده انسان حق حقوقلرینی آیاق آستی قیلگن شخصلر محاکمه قیلینیشینی طلب قیلگن ایدی.
گرازشده بلخ ولایت سرپرستی عطامحمدنور هم زورانلیک ینه انسان حق حقوقلرینی آیاغ آستی قیلگنلیکده عیبلگن. جناب نور، اوشبو گزارش نا قانونی همده غرضلی بیر موضوع بولگنلیگی بارهسیده تاکیدلهگن.
