افغانستان ملی مدافعه وزیرلیگی یوقاری مرتبهلی رسمیلری بایلیگینی رویخطگه آلیش بوگون رسماً باشلندی. وزیرلیکنینگ یوقاری مرتبهلی ملازملری، اداری فسادگه قرشی کورهشیش اوچون تاکیدلهگنلر.
مملکت ملی مدافعه وزیرلیگینینگ سرپرستی محمد معصوم ستانکزی، مذکور وزیرلیک بلند مرتبهلی رسمیلرینینگ بایلیگی رویخطگه آلینیشی مناسبتی بیلن اوتکزیلگن ییغینده ایتیشیچه، وزیرلیکنینگ برچه یوقاری مرتبهلی رسمیلری اوز بایلیکلرینی رویخطگه آلدیریشلری شرط.
ستانکزی، حکومت رسملریدن، هماهنگلیک بیر فضاده اداری فسادگه قرشی کورهشیشلرینی طلب قیلگن.
ستانکزی، وزیرلیک بلند مرتبهلی رسمیلرینینگ بایلیگی رویخط آلینیشی حتمی بیر لایحه بولگن لیگی اوستیده تاکیدلهگن. بو ایشدن نیت حکومت یوقاری مرتبهلی رسملری ایچیده اداری فساد آلدینی آلیش بولگن لیگی ایتیلهدی.
عین حالده، مملکت ملی کوچلر مرکزینینگ باش قوماندانی قدم شاه شهیم، وزیرلیکده، بلند مرتبهلی ملازملری بایلیکلری رویخطگه آلینیشینی تیکشیریش اوچون مخصوص کمیته ایجاد ایتلیشی توغریسیده خبر بیرگن.
شونینگدیک جناب شهیم، بوندن بویان فسادگه باتگن هر بیر اداره بیلن جدی شکلده یانده شیلیشی حقیده علیحده تاکیدلهگن.
باشقه تاماندن اداری فسادگه قرشی کورهشیش ادارهسینینگ باشلیغی سیدحسین فخری، آلدین زمانلرده حکومت رسملری بایلیگی رویخطگه آلیش بی واسطه ایریم قیین چیلیکلر بیلن روپه ره بولگن لیگینی ایتگن. اونگه کوره، او زمان لر حکومت بلند مرتبهلی ملازملری اوز بایلیگی رویخطگه آلینیشی اوچون حاضر بولمهگنلر.
جناب فخری، جاری ییلنینگ بیر آیی آقیمیده ملی بیرلیک حکومتینینگ قطار بلند مرتبهلی رسمیلری اوز بایلیگینی رویخطگه آلدیرگن لیگینی معلوم قیلگن.
افغانستان اساسی قانونیگه موافق، حکومتنینگ هر بیر یوقاری مرتبهلی رسمیسی، ایشگه آلینگن و ایشدن بوشه تیلگندن کیین اوز بایلیگینی معلوم قلیشی ضرور مساله.
