افغانستان آزاد عاموی اخبارات واسطهلرینی حمایت قیلووچی اداره یا «نی» تامانیدن یقینده تیارلنگن حساباتده، افغانستان دولتی مدیا اوچون ایریم چیکلاوولرنی یرهتگنلیگی معلوم قیلینگن.
اوشبو فکر اورگهنیش مملکتنینگ 25 ولایتیده عملگه آشیریلگن. اوشبو حساباتده افغانستان عاموی اخبارات واسطهلریده سانسور اوتگن ییللرگه قرهگنده کوزگه کورینرلی درجهده آشیریلگنی قید ایتیلگن.
اوشبو گزارش افغانستان بویلب 335 خبرچی بیلن اوتکزیلگن صحبت اساسیده تیارلنگن. خبرچیلرنینگ 72% مملکت مدیاسیده جدی سانسور بارلیگینی ایتگنلر. باشقه 14% عاموی اخبارات واسطهلری ایریم حادثهلرنی نشر قیلیشده تیکشیرووگه دوچار بوله دیلر، لیکن 13% ایسه افغانستان عاموی اخبارات واسطهلریده هیچ قندهی تیکشیروو بولمهگنلیگینی ایتگنلر.
مذکور فکر اورگهنیشده رسانهلر تیکشیریلیشی نینگ 29% دولت، 28% زوروانلر، 15% طالبلر گروهی و 3% ایسه باشقه عامللرگه نسبت بیریلگن.
شونینگ قالگن 25% ایسه خبرچیلر تامانیدن سانسور ایتیلهدی.
نی اجراییه رییسی عبدالمجیب خلوتگرنینگ بوگون (دوشبنه) مذکور حسابات نتیجهسینی خبرچیلرگه معلوم قیلیب ایتیشیچه، دولت کوپینچه امنیتگه قرهشلی خبرلرنی سانسور ایتیلیشی اوچون سعی وحرکت قیلهدی. نی اجراییه رییسینینگ تاکیدلهشیچه، محلی زوروانلر هر دایم ناقانونی عمللرگه تیگیشلی گزارشلر نشر ایتیلمسلیگی اوچون باسیم اوتکزهدیلر. باشقه تاماندن قوراللی طالبلر تلفاتلری توغریسیده دولت آرقهلی بیریلهدیگن معلومات اساسیده خبرلری نشر بولمسلیگیگه حرکت قیلهدی.
نی نینگ قولگه کیریتگن گزارشلریده، مذکور فکر اورگهنیشده کابلدن اشتراک قیلگن خبرچیلردن فقط ایکیتهسی عاموی اخبارات واسطهلری حکومت تامانیدن سانسور ایتیلیشینی رد قیلگن، اما باشقهلری ایسه ایریم حادثهلر نشر بولیشی اوچون سانسور بارلیگینی تیلگه آلگنلر.
شونینگدیک نی نینگ گزارشیده کیلیشیچه، یالغوز بامیان، بلخ و بغلان ولایتینینگ خبرچیلری ولایتلریده خبرلرنی تیکشیریش میزانی کم لیگینی ایتگنلر.
عین حالده، مذکور فکر اورگهنیش نتیجهسیده قولگه کیلگن گزارشلرده دولتدن علاوه ایریم زوروان کیشیلرهم ناقانوی عمللری سانسور ایتیلیب، نشر بولمسلیگی اوچون اولگوره دیلر دییلگن.
اوشبو فکر اورگهنیشده، گزارشلردن سونگ امنیتی حادثهلر، زوروان شخصلرنینگ نا قانونی عمللری، عیاللرگه قرشی زوروانلیک گزارشی، مخدر مادهلر قاچاق ایتیلیشی عاموی اخبارات واسطهلریده سانسور ایتیلهدیگن موردلردن سنهلهدی.
بیراق، بو ارهده کوپراق خودسانسورلیککه روپه ره بولگن خبرچیلرنینگ ایتیشلریچه، انسان حق حقوقلریگه تیگیشلی جنایتلی موردلرنی ترقته آلمیدیلر.
نی اجراییه رییسیگه کوره، صحبت قیلگن خبرچیلرنینگ بعضیلری ایریم موردلرده امنیتی لحاظدن تهدید ایتیلیشلری اوچون نابرقرارلیک، مخدر مادهلر قاچاقی و ترورچیلیک هجوملرنی نشر قیله آلمیدیلر.
