.jpg)
انسان حق و حقوقلری ایرکین کمیسیونی نینگ غور ولایتیدهگی نمایندهلیگی، بلاغتگه ییتمهگن گودکلر جنگری طالبلر صفیگه عسکرلیککه آلینیشی توغریسیده خواطر بیلدیرگن. کمیسیون اقتصادی قشاقلیک همده خانهدانلر بالهلر حقوقی بارهسیده معلوماتی بولمهگن لیگی بوندهی بیر وضعیتگه سبب بولگن دیگنلر.
غور ولایتی انسان حق حقوقلرینی حمایت قیلهدیگن مستقل کمیسیون باشلیغی ذبیحالله جواد، نابرقرارلیک آشیشی، ناقانونی قوراللی شخصلر بارلیگی، اقتصادی قشاقلیک و عایلهلر بالهلر حقوقی حقیده معلوماتگه ایگه بولمهگنلیکلری بلاغتگه ییتمهگن بیر قنچه گودک قوراللی گروهلر صفیگه قوشیلیشیگه باعث بولگن لیگینی تیلگه آلگن.
غور انسان حقلری ایرکین کمیسیونی نینگ باشلیغی، بو اداره نینگ قولگه کیریتگن حجتلریده ایریم منطقهلرده قوراللی طالبلر همده ناقانونی قوراللی گروهلر بلاغتگه ییتمهگن بالهلرنی عسکرلیککه آلیشنی باشلهگنلری قید ایتیلگنی معلوم قیلگن.
شونینگدیک ولایت والیسی نینگ سوزلاووچیسی عبدالحی خطیبی، عمومی سانی تورت مینگگه یقین دولت قوراللی مخالفلری همده ناقانونی قوراللنگن گرولر بلاغتگه ییتمهگن بالهلرنی عسکر صفتیده اوروشده ایش آلیشلرینی تصدیق ایتگن.
ولایت نینگ ایش واجتماعی مسالهلر بوییچه ادارهسی نینگ باشلیغی گل احمد عثمانی، غور ولایتی نینگ ناتینچ منطقهلریده بلاغتگه ییتمهگن گودکلر جنگری گروهلر آرقهلی عکسرلیککه آلینیشی حقیده تشویش بیلدیریب، موضوع خصوصیده حکومت بی فرق قالمس لیگینی سورهگن.
ایریم خانهدانلرگه بالهلر حقوقی توغریسیده معلومات بیریب، گودکلر عصیانچیلر صفتیگه کیتیش آلدینی آلیش حاللرگه گواه بولگن میز دیدی جناب عثمانی.
بوندن نیچه وقت آلدین ولایتدهگی ملی کوچلر صفیده بلاغتگه ییتمهگن گودکلر بارلیگینی تیکشیریش نیتیده مرکزی حکمت تامانیدن ولایت هیات سفر بر ایتیلگن ایدی. لیکن، تیشکیروودن سونگ ولایتده افغان ملی کوچلری صفتیده بلاغتگه ییتمهگن گودکلر بارلیگی رد قیلیندی.
