.jpg)
بدخشان ولایتیده سیلاولر ایرکین کمیسیونینینگ ولایتی دفتری مسؤوللرینینگ ایتیشیچه، مذکور ولایتده 322 آواز بیرووچیلرنینگ رویخطگه آلیش مرکزدن یالغیز 170 مرکز فعال دیر و باشقه مرکزلر امنیتی تهدیدلر باعث، یاپیق قالگن.
سلاموطندارگه صحبت بیرگن بدخشان ولایتینینگ سلاولر ایرکین کمیسیونی ولایتی دفتری باشلیغی حمیدالله بلوچ نینگ ایتیشیچه، یاپیق قالگن مرکزلردن کوپینچهسی وردوج، یمگان، کوهستان تومنلری و جرم تومنینینگ ایریم بولیملریده طالبان حضوری باعث و اوشبو مرکزلردن باشقه بیرقطاری، امنیتی تهدیدلر سبب بدخشاننینگ باشقه منطقهلریده یاپیق قالگن. بیراق اونینگ ایتیشیچه، یاپیق قالگن مرکزلرنی قیتهدن آچیش اوچون سعی و حرکت دوام ایتماقده.
حمیدالله بلوچ آواز بیرووچیلرنینگ رویخطگه آلیش جریان یکونلنهیاتگن بیرچاغده، رویخطگه آلیش مرکزلر آچیلیشیدن سوزلهیدی. عین حالده، مذکور ولایتنینگ ولایتی کینگش اعضالری گه کوره، بدخشان توپراغیدن کمیده 40% طالبلرنینگ نظارتیده دیر.
.jpg)
بدخشان ولایت کینگشی باشلیغی بشیر صمیم نینگ ایتیشیچه، وردوج و یمگان تومنلریده آواز بیرووچیلرنینگ رویخطگه آلیش مرکزلردن بیرقطاری یاپیق قالگنی گه قوشیمچه، اوشبو ولایتنینگ باشقه بیرقطاری قیشلاقلریده ناتینچلیکلر کوپهیگنی باعث، رویخطگه آلیش مرکزلر یاپیلگن.
بدخشان ولایت کینگشی باشلیغی گه کوره، آواز بیرووچیلرنینگ رویخطگه آلیش مرکزلردن کوپینچهسی یاپیق قالیشی خواطرلی دیر و مرکزی حکومت بیلن محلی حکومت بو مرکزلرنی قیتهدن آچیش اوچون تیزلیکده چاره تدبیر کوریشی لازم.
بدخشان پولیس قومندانی محمدصابر آریننینگ ایتیشیچه، اولر رویخطگه آلیش مرکزلرنی امنیتی تهدید آستیدن چیقاریش اوچون عملیاتی برنامهلرنی قولگه آلگن و تیزلیکده بو عملیات بدخشاننینگ بوتون منطقهسیده عمل گه آشیریلهدی.
ایش بیلرمانلرنینگ ایتیشیچه، سیلاولر یولگه قوییلیشی اوچون ناتینچلیک اساسی قیینچیلیک سنلهدی و افغانستان دولتی سیلاولر خوفسیزلیگینی یخشی بیر شکلده تأمین قیله آلمهگن صورتده، بو جریان شبههلرگه روپهره بولیشی ممکن.
