اوتمیش 14 ییلده رسانه بوییچه قندوز عیاللرینینگ فعالیتی کوزگه کورینرلی ایدی. اولکه مرکزی شهرلری ارا رسانهیی ایشلر بویلب، برچه قیزیقرلیلر قندوز عیاللریگه بیریلگن ایدی.
اما قندوز شهرینینگ طالبلرطالبلر قولیگه توشیشی بیلن تورخی اوزگرگن.
طالبلر قندوز ولایتیدهگی دولتی ادارهلر، کسلخانهلر و بانکلر، ایچکی و تشقی موسسهلر و کوپلب اولتیرهدیگن اویلرنی تالان قیلگن و داراییلرینی اوزلری بیلن بیرگه آلیب کیتگنلر. مذکور گروه پناه سیز بالهلر و عیاللرگه جنسی زورلشلری بیلن فاجعه باشلنگن و اهالی کلتکلهنیشگه آلینگن.
طالبلر قولیده شهرنینگ اوچ کون قالیشی بیلن قندوز رسانه چیلری، یا کلتکلنگنلر ویا هم شهردن چیقیب قاچگنلر. اما بولردن ایریم رسانهیی فعال عیاللر برچه باسیم بیلن شهرده تهدیدلرنی چیدهب قالگنلر و شهرده بولیب کیلهدیگن خشونتلرنی کوزلری بیلن کورگنلر.
سلاموطندار بو عیاللردن کوپیسی بیلن یوزمه یوز صحبت اوتکزگن و شهر اوروشیدن قالگن حکایتلرنی اولردن سورهگن.
کیهان و شایسته رادیولرینینگ باشلیغی خانم زرغونهحسن نینگ ایتیشیچه، کیهان و شایسته رادیولری؛ بیری ییگیتلر و ایکینچیسی ایسه عیاللر اوچون فعالیت قیلیب کیلماقده ایدی، طالبلر شهرنینگ آلیشی بیلن رادیو جهازلری و برچه دارایسی تالان بولگن و دفترلرینینگ مهم حجتلری اوتگه تارتیلیب نابود ایتیلگن.
چراغ ناملی باشقه بیر محلی رادیو باشلیغی ملالی یوسفی نینگ ایتیشیچه، رادیولریدهگی بارنرسهلرنی طالبلر تالان قیلیب اوزلری بیلن بیرگه آلیب کیتگنلر و قالگن آغیر نرسه لرنی هم اوتگه تارتگنلر. خانم یوسفینینگ کوپهیتیریشیچه، قندوزنینگ اوچ کون طالبلر قولیگه قالیشی بیلن کوپلب عیاللر مذکور گروه تامانیدن اوقگه تارتیلگن و یوزلرچه عایله ایسه آچ و سووسیزلیک بیلن تکاویلرده یاشینیب حیات کیچیرگنلر.
شو حاضر رسانهیی فعاللردن نیچه کیشی عایله اعضالری قندوز شهریده طالبلر قمراویگه قالیب حیات کیچیرماقدهلر، سلاموطندار بیلن تیلوفنی قیلگن صحبتلریگه قرهگنده، طالبلر سیاسی، مذهبی، مدنی و رسانهیی فعاللر لیستینی قولگه کیریتگنلر و حاضرگه قدر بو فعاللردن نیچتهسینی دولت بیلن یاردم قیلیش اتهامیگه قارهلب، یا اولدیرگنلر و یاهم اوزلری بیلن بیرگه آلیب کیتگنلر.
اولرگه کوره، قربان هییتیدن ایکی کون اول، قندوز شهرینینگ مدنی فعاللریدن کوپیسی قندوز سابق والیسی عمر صافی بیلن اوچرهشیب شهر امنیتی بارهسیده اوز خواطرلرینی بیلدیرگن ایدی، اما جناب صافی مذکور خواطرلرنی اساس سیز بیلگن ایکن.
قندوز محلی رادیولریدن باشقه بیری، اوزیدن قورقیشی بیلن آتی توتیلیشینی ایستمهگن حالده ایتیشیچه، اوروش محلیدن اوزینی چیقارگن. اونگه کوره، عایله اعضاسی یمان وضعیتده حیات کیچیرهدیلر و نیچه کوندن بویان آذوقهلری تمام بولگن.
قندوز رسانهچیلری نینگ ایتیشیچه، شوحاضر شهرده هیچ بیر رادیو فعالیت قیلمیدی و برچه رادیولر طالبلر تامانیدن ویران ایتیلگن. حاضرهم عیال رسانهیی فعاللردن قندوزشهریده دوام ایتیب تورگن اوروشده بند قالگنلر. کوپینچه کیشیلر هم قندوز چیگره داش ولایتلریده قاچیب چیقگنلر و یمان وضعیتده حیات کیچیریب کیلماقدهلر.
