.jpg)
ارزگان ولایتینینگ ارزگانخاص تومنی و غزنی ولایتینینگ مالستان تومنینی ایریم بولیملریده مردمی کوچلر و طالبلرنینگ آرهسیده یوز بیرگن اوروشدن کمیده 7 کون اوتماقده، بیراق امنیتی کوچلر حاضرگهقدر قانیقرلی بیر ایش قیلمهگنلر.
بوگون «پنجشنبه» کابلده اوتکزیلگن خبری بیر ییغینده جمهور رئیسنینگ ایکینچی اورین باسری سرور دانش، ارزگانخاص تومنینینگ یشاوچیلریدن دولتی کوچلر حمایت قیلمهگنینی تأسفلی بیلیب و ارزگانخاص واقعهسیگه نسبتن حکومت رسمیلرینینگ خبرسیزلیگیدن تنقید قیلگن.
جناب دانش گه کوره، یوزلرچه عایله طالبلرنینگ هجومیده دولتدن حمایت قیلیش اوچون قیشلاقلریدن قاچیب چیققنلر و باشقه اونلرچه کیشی اوشبو آتیشمهلر نتیجهسیده هلاک ایتیلگن.
سلاموطندارگه صحبت بیرگن غزنی ولایت کینگشیده مالستان اهالیسینی نمایندهسی محمدنعیم توحیدینینگ ایتیشیچه، حاضر اوروش شدتی کمهیگن و ارزگانخاص تومنی بیلن مالستان تومنینینگ قوشنی قیشلاقلری مردمی کوچلر و مالستان تومنینینگ پولیس کوچلرینی نظارتی گه اوتگن.
.jpg)
بیراق، جناب توحیدینینگ ایتیشیچه، ارزگانخاص تومنینینگ قیشلاقلری طالبلرنینگ نظارتیده دیر و بو گروه تینچ اهالیدن سپر شکلده فایدهلنهدی.
شونینگدیک، غزنی ولایت کینگشی باشلیغی لطیفه اکبرینینگ ایتیشیچه، ارزگانخاص تومنیدن حاضرگچه 350 عایله مالستان تومنی گه کیلگن و تیز یاردم گه احتیاج دیر.
غزنی ولایتینینگ مالستان تومنینی ولسوالی ضامنعالی هدایت، بو توغریده فکر بیلدیرمهی ایتیشیچه، بو توغریده معلومات بیرمهسی خصوصیده، مرکزی حکومت تامانیدن بویروغ بیریلگن.
