قویاش 1393ییلی مملکت اهالیسی سیاسی، امنیتی، اقتصادی و اجتماعی قیینچیلیکلرنی اوتکزیش بیلن مملکتده تینچلیک تامین ایتیلیش آروز ایستکلریده ایدیلر؛ انه شو آرزو ایستکلر بیلن افغانستاننینگ سکیز میلیون اهالیسی ایریم تهدیدلرنی قبول قیلیب صندوقلر قاشیگه باریب جمهور رییسلیک سیلاولری اوچون آواز بیردیلر.
اما، سیلاولر نتیجهسی نینگ باشی بیرک کوچهده ایلَنیب قالیشی؛ نهایت ملی بیرلیک حکومتی تاسیس ایتیلیشی بیلن اوز پایانیگه ییتدی.
بونگه قرهمسدن افغانستان جمهور رییسی محمد اشرفغنی و اجراییه ریاستی باشلیغی داکتر عبدالله عبدالله ملی بیرلیک حکومتینی قوریب، تینچلیک تامین قیلینیشیگه تاکیدلهگن ایدیلر.
جاری ییل میزان آیینینگ ییتینچیسیده جمهور رییس قسم یاد قیلیش مراسمیده قیلگن چیقیشده " هر بیر مملکت نینگ سیاسی خوفسیزلیگینی او مملکت نینگ دایمی تینچلیگی تشکیل ایتهدی، ملی بیرلیک حکومتی برچه موازی حکومتلرنی ایلدیزدن یوق قیلیش اوچون حرکت قیلهدی، اجتماعی عدالت مملکت برقرارلیگی اوچون توپ تاش سنلهدی، هر بیر مملکتده نا برقرارلیک حاکم بولسه، او مملکت اهالیسی نینگ امنیتی تامین ایتیلمهسه او مملکت ترقیاتگه» ایریشمیدی دییه سوز یوریتگن ایدی.
شونینگدیک جمهور رییس حاضرگی کونده افغانستاننی تهدید قیله دیگن معما و قیینچیلیکلر کم آلینمسلیگی نی بیلدیریب، قطار عرب دولتلری پارتلش عرفهسی و ایریم تیوهرکلرهم افغانستاننی اوروش میدانیگه ایلنتیریش نیتده دیلر دییه معلوم قیلگن ایدی.
جمهور رییس افغانستان تشقی علاقهلری یخشیلهنیشی اوچون عربستان و چینگه قیلگن سفرلریگه قرهمی، لیکن سیاسی ایش بیلرمانلر مذکور سفرلرنینگ آرتیده افغانستان حکومتی بیلن طالبلر تینچلیک مذاکرگه اولتیریش اوچون پاکستان دولتیگه باسیم اوتکزیش بولگن لیگینی تیلگه آلگنلر.
جمهور رییس قسم یاد کیلتیریشدن کیین چین و سعودیه عربستانیگه قیلگن سفردن سونگ تنیچلیک مذاکرهلری اوچون آلگن بیرینچی تدبیری ایکّی کونلیک سفر بیلن رسمی اسلام ابادگه باریب، او مملکت حربی و ناحربی بلند مرتبهلی رسمیلری بیلن اوچرشدی.
اونینگ پاکستان بلند مرتبهلی رسمیلریگه یرهش و تینچلیک افغانستان و پاکستان خلقی منفعتیگه دیر، ترورچیلر ایکّی دولتنینگ هم دشمنی سنلهدی دییه ایتگن ایدی.
باشقه تاماندن حکومتنینگ اجراییه رییسی عبدالله عبدالله "عنعنه عدم تشدد در منطقه" ناملی ییغینده سوزلب، تینچلیک افغانستان اوچون اساسی احتیاج بولگن لیگینی ایتگن ایدی. عبدالله، برقرارلیک مملکت خلقی نینگ آبرو و عزتی بیلن معامله قیلیش ایمس دییه بیلدیرگن ایدی.
" برقرارلیک افغانستان خلقینینگ ایستگی، بو یولده سعی وحرکت قیلیش پاک بیر حرکت و مذکور سعی و حرکتلر شفافیت، مدیا یولی بیلن اهالینی جریانگه قوییش شونینگدیک ملی منفعت سقلهنیشی و اوتگن ییللردهگی یوتوقلر سقلهنیب قالیشی بیلن عملی ایتیلیشیگه همه طرفدار"
عین حالده، عاموی اخبارات واسطهلری طالبان حرکتینینگ نمایندهلریدن بیری قاری دین محمد افغانستان دولتی بیلن طالبلر اورتهسیده تینچلیک مذاکرهلر باشلهنیشینی ایتگنلیگی توغریسیده خبر ترقتگن ایدی.
مذکور گزارشلرده ایتیلیشیچه، اسلام آباد ده پاکستانلیک یوقاری مرتبهلی رسمیلر بیلن پرده آرتیده مذاکره اوتکزگنیدن سونگ، قطرگه قیتگن.
طاباننینگ مذکور نمایندهسی ترکیه دولت خبر آژانسیگیده، طالبلر افغانستان حکومتی بیلن مذاکره قیلیش اوچون تیار دییه بیلدیرگن ایدی، او اوشبو مذاکرهلر کابلده اوتکزیلیشی ممکنلیگینی ایتگن ایدی.
باشقه تاماندن پاکستان ملی خوفسیزلیک مصلحتچیسی و باش وزیرینینگ تشقی علاقهلر مسوولی سرتاج عزیز، طالبلر بیلن افغانستان حکومتی پاکستانده یاشیرون صحبت اوتکزگنلیکلرینی تصدیق لهگن ایدی.
ملی بیرلیک حکومتینینگ رهبرلری، تینچلیک مذاکرهلرگه قندهی قول تاپیش اوچون یاپیق ایشیکلر آرتیده اوچرشمسلیکلری کیرهک.
جناب عزیز، پاکستان تینچلیک مذاکرهلرده فقط واسطهچیلیک رولینی اوینیدی دییه تیلگه آلگن ایدی. اونگه کوره، مساله اوچون پاکستان دولتینینگ هیچ قندهی نیتی یوق.
اما، اساسی سوراق بو کیم افغانستان حکومتی 1393 قویاش ییلی تینچلیک تامین لهنیشی اوچون قندهی یوتوقلرگه ایریشگن؟
تینچلیک عالی کینگشینینگ اعضاسی حوا علم نورستانی قویاش 1393ییلده دولتنینگ یوتوقلری بارهسیده اشاره قیلیب ایتیشیچه" اوروش بس، بیز تینچلیک ایستیمیز" ناملی کمپاین اوتکزیلیشی، برقرارلیک تامین ایتیلیشی اوچون مملکت بویلب 250 مینگ امضا جمع لهنیشی، تینچلیک تامین ایتیلیشی اوچون مذکور کینگش اعضالرینینگ چیت ایلگه قیلگن سفری، افغان عیاللرینی اوروش بس تینچلیک مذاکرلر باشلنیشی اوچون بولگن ایستکلری مذکور کینگش نینگ بجرگن ایشلریدن بولگن لیگینی تیلگه آلگن.
سیاسی تحلیلچی و حقوقچی فاروق بشرسوزلریگه کوره، اوتگن ییلده افغانستانده برقرارلیک تامین ایتیلیشی اوچون لازم سعی وحرکتلر آلیب بارگن.
جناب بشرنینگ افغانستان سابق جمهور رییسی حامد کرزینی پاکستان و انگلستانگه قیلگن سفرلریگه اشاره قیلیب ایتیشیچه، پاکستان هر دایم تینچلیک مذاکرهلر اوچون همکارلیککه وعده بیرگن؛ اما آرقهدن توریب خنجر سوققهدی.
شوکبی افغانستان جمهور رییسی اشرفغنی سعودیه عربستانیگه قیلگن اوچینچی بار سفریده ملک سلمان بن عبدالعزیز بیلن ملاقات قیلگن ایدی.
جمهور رییسلیک سرایی اوز خبرنامهسیده، ایکّی مملکتنینگ رهبرلری اوشبو اوچره شووده رسمی کابل بیلن ریاضنینگ علاقهسی یخشی لهنیشی گه عاید مساله اوستیده گپیرگن لیکلری یازیلگن.
خبرنامه ده، عربستان پادشاهی افغانستانده دایمی تینچلیک تامین ایتیلیشی اوچون هیچ قندهی همکارلیک قیلیشدن ایهمسلیگی بارهسیده جنابغنیگه ایشانچ بیرگنی قید ایتیلگن.
افغانستان جمهور رییسیغنی بوگون حوت آیی نینگ 27 سیده ملی اردو نینگ منصبدارلری فراغت ییغینیده قیلگن چیقیشده ینه بیر بار تینچلیک مذاکرهگه تاکیدلهگن. او، مذاکرهلرده افغانستان یوتوقلری سقلهنیشینی بیلدیرگن.
شونینگدیک جنابغنی، افغانستان خلقیگه هیچ بیر ملی ارزش تنیچلیک مذاکرهلرده معامله بولمسلیگی توغریسیده ایشانچ بیرگن.
