کابل پولیس قومندانلیگینینگ سوزلاوچیسی بصیر مجاهدنینگ سلاموطندارگه ایتیشیچه، بوگون "چهارشنبه" صورت تاپگن هجوم نتیجهسیده 4 کیشی هلاک ایتیلیب و باشقه 6 کیشی یرهلنگن.
عینحالده، ایچکی ایشلر وزیرلیگینینگ سوزلاوچیسی نجیب دانشنینگ ایتیشیچه، مذکور پارتلش نتیجهسیده 6 کیشی هلاک ایتیلیب و باشقه 8 کیشی یرهلنگن.
اونینگ ایتیشیچه، هلاک ایتیلگنلردن 3 تهسی و یرهلنگنلردن 4 تهسی پولیس عسکرلریدن دیر.
جناب دانش گه کوره، انتحارچی کیشی پیاده بولیب و اوزنی دولتی موترلر ییقینیده پارتلتگن.
عینحالده، کابل پولیس قومندانلیگینینگ سوزلاوچیسی گه کوره، انتحارچی کیشینینگ مقصدی پولیس موترلری ایکن و حاضرگهقدر هیچبیر گروه اوشبو واقعه مسوولیتینی بوینیگه آلمهگن.
