غزنی ولایتینینگ محلی رسمیلریگه کوره، طالبان گروهی و افغانستان حکومتی آرهسیده بولگن اوچ کونلیک آتیشکیسین طالبان تامانیدن بوزیلگن.
غزنی حاکمینینگ سوزلاوچیسی محمدعارف نورینینگ ایتیشیچه، طالبان گروهی آتیشکیسیننینگ اوچینچی کونیده غزنی ولایتینینگ قرهباغ و اندر تومنلرینینگ قطار منطقهلری اوستیگه هجوم قیلیب امنیتی کوچلردن 6 تهسی نی بیر هاموی تانک بیلن آلیب کیتگنلر.
جناب نوری گه کوره، آتیشکیسین بولگنی سبب امنیتی کوچلر هیچ قندی اقدام قیلمهگن، بیراق طالبان تامانیدن قولگه آلینگن امنیتی کوچلرنی قوییب یوباریش اوچون اهالینینگ سعی و حرکتی نتیجه بیرمهگن.
طالبان گروهی حاضرگچه بو توغریده صحبت قیلمهگن.
افغانستان حکومتی، 27 رمضان دن هییتنینگ 5 گهقدر آتیشکیسین اعلان قیلدی، بیراق طالبان گروهی یالغیز هییت اوچ کونیده آتیشکیسین نی قبول قیلگن.
آتیشکیسین جریانیده طالبان جنگرهلری پرچملری بیلن، مملکت ایریم شهرلری اینقسه باشکنت گه کیلیب اهالی و امنیتی کوچلر بیلن اوچرهشگنلر.
