خوست یشاوچیلری سنتی طبیبلر چوبکی دارولریدن شکایت قیلگنلر. چوبکی اوت دارولر عیبلی ایمس. بلکیم، اصلی عیب طبیبلرنینگ بیرهدیگن نسخه و تجربهلریده دیر.
لایت یشاوچیلریدن بیری محمدشیرزادنینگ ایتیشیچه، گیاهی دارولرگه نقصی یوق، بیراق ناتوغری ایش آلیشده عیبی بولگن. خوست باشقه بیر یشاوچیسی قدرتالله ایسه چوبکی دارو بیرهدیگن طبیبلردن کوره، داکترلرگه قرهتیشنی افضل بیلهدی. او، ایلکه آغریغی قالدیریش اوچون چوبکی دارو آلگن ایکن، کسللیگیگه ایجابی تأثیر قویمهگنلیگینی تیلگه آلهدی.
بو ولایت یشاوچیلریدن باشقه بیری دلاورخاننینگ بیلدیریشیچه، چوبکی دارولر کسللیکلر اوچون ایجابی تأثیری بولگن، اما اولرنی حکیملر تامانیدن کسللرده بیریش طرزی نا توغری ایکن.
سنتی طبیبلر یا چوبکی دارو ساتهدیگن حکیملر، خوست ایریم منطقهسیده ایرکین شکلیده چوبکی دارولر ساتیشیگه حرکت قیلهدی.
سنتی طبیبلردن ایریمی، ولایت دهگی مراجعت قیلهدیگن کسللردن کوپیسیگه چوبکی دارولر اونچهلیک تأثیر قالدیرمهگنلیگینی قبول قیلهدیلر، مذکور طبیبلردن ایریمی ییللرچه تجربه کوریشی بیلن ایشده کیرهدی و ایریمی هم چوبکی دارولر خاصیتیدن خبرسیزلیگی و تجربه سیزحالده ایشنی باشله یدیلر دیدی.
سنتی طبیبلردن بیری حکیم عبدالله نینگ سلاموطندارگه ایتیشیچه، او ییللر اوتیشی بیلن چوبکی دارو توزتهدی، اما حاضرگه قدر قیسی بیر کسل اوندن شکایت قیلمهگن. او، هرتمانلمه سورهشلری بیلن کسللریگه ایجابی تأثیر قویهدیگن دارولرنی بیریب قوبارهدی.
خوست دهگی خصوصی کسلخانهلردن بیرینینگ باشلیغی داکتر پادشاهزار عبدالینینگ ایتیشیچه، چوبکی طبابت، حاضرگی طبیات بولیمیده اورین بوشتگن. اونگه کوره، چوبکی دارولر معیارسیز شکلیده اسرهلیب کیلماقده، مذکور داورلر آیلر و ییللر قالیشی بیلن کسللرده بیریلهدی.
خوست ولایتی نینگ ساغلیقنی سقلش ریاست اورین باسری داکتر حمیدالله حمیدی هم سنتی طبیبلر دن کوپیسی اوز خودمچهلیک بیلن داور بیریشهدیلر دیگن. جناب حمیدیگه کوره، اولر چوبکی دارو بیرهدیگن ییرلرنی نظر آستیده آلگنلر و کیلهجکده هم شونقه دوام ایتیریلیشینی ایسهیدی.
داکترلرگه کوره، طبیات بویچه تحصیل آلگن تجربهلیک کیشیلرگه مراجعت قیلگن کسللر، داورلرینی ترتیب بیلن استعمال قیلگن بیرچاغده، چوبکی دارو ساتهدیگن حکیملرگه باریش اوچون احتیاج تاپمهیدیلر.
خوستده 20 دن آشه چوبکی داور ساتهدیگن مرکزی موجود و بو مرکزلر حکیملری بوتونلی تحصیل کورمهگن و تجربه سیز کیشیلر دیر.
