بالاحصار سقوط قیلدی
قندوز ولایتی بالاحصار ولسواللیگیدن ییتیب کیلگن گزارشلرده مذکور ولسوالیک هم جنگری طالبلر اشغالیگه اوتگن. ایتیلیشیچه، 50 نفرلیک بیر گروه حربی عسکر نیچه ساعت عصیانچیلر قورشاوویده قالگن دن سونگ نهایت ده مذکور حربی پوستهنی جنگریلرگه تاپشیرگنلر.
دولت منبعی هنوزگچه بالاحصار ولسواللیگی سقوط قیلگنی توغریسیده بیرار نرسه دیمهگن. ایریم حربیلر همده محل یشاووچیلریگه کوره، مذکور ولسواللیک نیچه کوندن بیری سوو، ییگولیک آذیق آوقت و حربی جهاز تنقیس لیگیگه روپه ره بولگن. ایتیلیشیچه، اوشبو ولسوالیک سقوط قیلیشی اوچون هم مرکزی حکومت بی فرق قالگن.
قندوز – بغلان عمومی یولی
مرکزی بغلاننینگ ولسوالی گوهرخان بابری نینگ سلام وطندارگه ایتیشیچه، جنگری طالبلر اوچ تاماندن مرکزی بغلان – قندوز عمومی یولیگه ماین اورنتگنلر. گوهرخان عمومی یول نینگ اوشبو منطقه لریده طالبلر پوسته ایجاد قیلگن.
ایتیلیشیچه، قوراللی طالبلر بغلان – قندوز عمومی یولیدهگی «دند شهابالدین» منطقهسیده اوچ حربی پوستهنی اوز تصرفلریگه آلگنلر.
تخار ولایتی
تخار ولایتی نینگ اشکمش، خواجهغار، ینگی قلعه و درقد ولسواللیکلریده افغان ملی کوچلری و دولت قوراللی مخالفلری اورتهسیده آغیر اوروش دوام ایته یاتگنی ایتیلهدی. اما، هنوزگچه هم اوشبو اوروش تلفاتی حقیده بیرار نرسه دییلمهگن.
شونینگدیک ایتیلیشیچه، قندوز ولایتیده جنگ ده آواره بولگن یوزلب خانهدان تخار ولایتیگه باش پنه ایزله گن. آواره بولگنلر سوو و ییگولیک آذیق آوقت تنقیسلیگیگه هم دوچار بولگن لیگی تیلگه آلینهدی.
