اجراییه ریاستی رسمیلرینینگ ایتیشیچه، الکترونیکی کیملیک ترقهتیش ادارهسینینگ ایشچیلری چیتلنتیریلمهگن؛ بلکیم ایشلری توختهتیلگن.
ملی بیرلیک حکومتی اجراییه باشلیغی عبدالله عبداللهنینگ اوتکن هفته وزیرلر کینگشی ییغینده ایتیشیچه، مذکور کیشیلرنینگ چیتنلنتیریلگن دلیلی باشقه بیرهفتهگچه بیللی بولیشی لازم.
حاضر اجراییه ریاستی سوزلاوچیسینینگ اورین باسری جاوید فیصلنینگ سلاموطندارگه ایتیشیچه، اجراییه ریاستی تیکشیرویگه کوره، مذکور ایشچیلر وظیفهسی دنیاجماعه چیلیک یاردمی کیلسیلگنی باعث توختهتیلگن و الکترونیکی کیملیک ترقهتیلیشی باشلنگینچه دوام ایتهدی.
اونگه کوره، اولر قولگه کیریتکن معلوماتلرینی الکترونیکی کیملیک ترقهتیش ادارهسی بیلن اورتهگه قویگن. جناب فیصلنینگ ایتیشیچه، الکترونیکی کیملیک ترقهتیلیشی باشلنسه، ایشلری توختهتیلگن ایشچیلر قیتهدن جذب ایتیلهدی.
اوچ هفته آلدین چمهسی 800 کیشی الکترونیکی کیملیک ترقهتیش ادارهسیدن چیتلنتیریلگن.
الکترونیکی کیملیک رویخطگه آلیش اداره مدیری زمری باهرنینگ سلاموطنداربیلن اوتکزگن صحبتیده مذکور کیشیلرنینگ چیتلنتیریلیش دلیلینی دنیاجماعه چیلیک یاردمی کیسیلگنی بیلهدی.
الکترونیکی کیملیک ادارهسیدن چیتلنتیریلگن ایشچیلردن بیرقطارینینگ سلاموطندارگه ایتیشیچه، بو ادارهگه ایشلشلری اوچون 15- جولایگچه اولرگه وقت بیریلگن، اوندن کیین تقدیرلری بیللی ایمس.
الکترونیکی کیملیک ترقهتیش ادارهسی مالی یاردم بیروچیسینینگ آگاهلنتیریشیچه، الکترونیکی کیملیک ترقهتیش لایحهسی تیزلیکده باشلنمهگن صورتده، مالی یاردملرینی کیسیشی ممکن.
ایکی هفتهآلدین جمهور رییس غنی الکترونیکی کیملیک ترقهتیش ادارهسی باشلیغی بیلن اوچرهشگن چاغیده، ینه بیر هفتهگچه الکترونیکی کیملیک سیناو صورتده ترقهتیلیش ریجهسی تیالهنیب و باشقه 90 کون ایچیده کابلدن باشلهشینی ایتکن ایدی.
