لوگر ولایت کینگشینینگ بیر قنچه اعضالری و ولایت ازره تومنینینگ یشاوچیلری مذکور تومنده داعش ییرلشب عسکرلیککه آلشگه باشلهگنیدن خبر بیرگنلر.
لوگر ولایت کینگشینینگ اعضالریدن بیری عبدالولی وکیل نینگ سلاموطندارگه ایتیشیچه، جاری بیر هفته جریانیده 70 یاش ییگیت داعش جنگریلریگه قوشیلگن. اولر، حاضرگی کونده ولایتنینگ حصارک و اچین تومنلریده افغان ملی کوچلر بیلن اوروشده لر دیگن.
ولایت کینگشینینگ مذکور اعضاسی، داعش ارزه تومنینینگ سپاندوگچ منطقهسیده رسمن بیرهقینی تیکلهلگنلیگینی ایتگن. عبدالولی وکیل، داعش اوشبو تومنده مرکز ایجاد قیلیشگه سعی وحرکت قیلهدی دیگن.
اما، لوگر ولایت والیسینینگ سوزلاوچیسی سلیم صالح بو ادعالرنی رد قیلیب، 9 آی آلدین اونلب خارجی داعش ولایتنینگ خروار تومنیگه هجوم قیلگن لیک لرینی ایتگن. او، مذکور جنگریلر هم اوشه زمانده افغان ملی کوچلری تامانیدن نابود ایتیلگنلر ایدی دیگن.
.jpg)
جمهور رییسنینگ جنجللرنی حل قیلیش ایشلری بوییچه مصلحتچیسی اسدالله فلاح، ولایتنینگ خروار، ازره، برهکی برهک و چرخ تومنلریده داعش جنگریلری بارلیگینی تصدیقلب، لیکن، اوتگن ییلگه قرهگنده ننگرهار ولایتی نینگ امنینی یخشی لشگن.
عین حالده، جناب فلاح، جنگریلر گروهلر نابود ایتیلیشی اوچون اهالینینگ ملی کوچلرگه همکارلیک قیلیشی حتمی دیگن.
داعش افراطیتچیلیک فکریده 2006 ییلده عراقده شکللنگن ایدی. مذکور حرکت عراقده بعضی بیر عملیاتلرنی اوتکزیش بیلن دنیا دولتلری اعتبارینی اوزگه جلب قیلدی. شونینگدیک بو گروه اوتگن ییل جون آییده موصل شهرنی تصرف ایتیش بیلن دنیا اخبارات واسطهلرینینگ سرهسین اورین آلدین.
شونینگدیک اخیرگی ایکی ییلده مذکور جنگری گروه افغانستانده هم سیزیلرلی درجهده نفوذ قیلدی. بو حرکت اوچون افغانستاننینگ شرقی ولایتی بولمیش ننگرهار اصلی مرکز بولیب کیلماقده.
