.jpg)
ایکی کون آلدین ماین تازه لاوچی «هلوترست» موسسهسینینگ 15 ایشلاوچیسی طالبلر تامانیدن اوغیرلنگن ایدی، امنیتی کوچلر عملیاتی نتیجهسیده قویب یوباریلدی.
بو ماین تازه لاوچیلر هرات ولایتی کهسان تومنی نینگ شبش منطقهسیده وظیفه بجریش پیتیده، طالبلر قولیگه توشیب انیقلنمهگن مکانگه آلیب کیتیلگن ایدی. بیراق ولسواللیککه امنیتی کوچلر اویوشتیرگن عملیاتی نتیجهسیده، قیدگه آلینگنلر تورر ییری انیقلنیشی بیلن قویب یوباریشگه موفق بولدیلر.
هرات پولیس سوزلاوچیسی عبدالرؤوف احمدی نینگ سلاموطندار بیلن قیلگن صحبتده ایتیشیچه، طالبلرنینگ تانیقلی قومندانلریدن ملاحیدر و ملاطوفان ناملی شخصلر واسطهسی بیلن بو 15 کیشی هراتده اوغیرلنگن ایکن.
.jpg)
جناب احمدی نینگ کوپهیتریشیچه، امنیتی کوچلر بیر چاسوسلیک و حربی عملیات اوتکزیشی بیلن بو ایکی گروه اعضالریدن 7 کیشینی قولگه آلدی و قولگه آلینگن شخصلر آلدیدن معلومات آلیشلری بیلن اوغیرلنگنلر اسرهلهدیگن ییرنی کشف قیلگنلر.
هلوترست موسسهسی ایشلاوچیلری نینگ نیچهنچی مرتهسی دیرکه طالبلر و باشقه ناتانیش قورالی شخصلر تامانیدن اوغیرلنهدی. بوندن 3 ییل مقدم اوشبو موسسه ایشلاوچیلریدن 63 کیشی هرات ولایتی نینگ پشتونزرغون تومنیده و ایکی ییل آلدین 8 ایشلاوچیسی لوگر ولایتی نینگ پلعلم منطقهسیده اوغیرلنگن ایدیلر.
