غزنی ولایتینینگ محلی بلند مرتبهلی رسمیلری، داعش حرکتی نینگ جاغوری تومنیگه هجوم قیلیشی باعث، بولر محل اهالیسی جهازلهنیشی اوچون مرکزی حکومتگه معیین تکلیف یازگنلر.
غزنی ولایتی نینگ والیسی عبدالکریم متین سلاموطندار ترماغیگه بیرگن صحبتده، ولایتده امنیتنی تامین قیلیش نینگ بیرینچی یولی منطقه خلقینی حربی انجام بیلن جهازلشگه باغلیق دیگن.
اونینگ تعبیریچه، امنیتی همده خلق ارا حربی کوچلر خوفسیزلیک و برقرارلیکنی تامین قیلیشده دییرلی موفق ایمس؛ شونینگ اوچون هم محل اهالیسی اوزی هر قندهی اوروشگه تیار بولیشی کیرهک.
متین، قومی و فرقهیی اوروشلرنی باشلش ترورچی گروهلرنینگ اساسی فعالیتلریدن حسابلنهدی دیدی. غزنی والیسی، ولایتده داعش جنگریلریگه کوره افغان ملی کوچلری سانی کوپ بولیشیگه قرهمهی، لیکن، بعضن بو حرکت نینگ گروگان آلیشی امنیتی کوچلر قول ایاغینی باغیلهیدی دیگن.
غزنی ولایتی ولایت کینگشی نینگ باشلیغی خالقداد اکبری، جاغوری تومنی نینگ اطراف حدودیده داعش جنگریلری فعالیتی آشیشی خلق نینگ جدی خواطریگه سبب بولگن لیگینی اظهار قیلگن.
او، اهالی حکومت نینگ بیرگن وعدهسیگه نسبتن ایشانچ سیزلر دیدی. غزنی طالبان گروهی انچه فعال بولگن ولایتلردن سنهلهدی. اخیرگی کونلرده داعش نینگ هم بو ولایتده فعالیتی کوزگه کورینرلی درجه ده آشگنی ایتیلهدی. غزنی ولایتی نینگ بیر قطار مدنی فعاللری دولت ادارهلریده فساد بارلیگی و ایش قیلمسلیک ولایتدهگی جاری اوروش اوچون اصلی عامل حسابلنهدی دیگنلر.
