ارزگان ولایتینینگ محلی بلند مرتبهلی رسمیلری، پولیسنینگ اوچ حربیسی اوتگن کون (دوشنبه) دهراود ولسواللیگینینگ سنگر منطقهسیده توقیز نفر صفداشینی آتیب اولدیرگنلیگی بارهسیده خبر بیرگنلر.
ارزگان ولایت والیسینینگ سوزلاووچیسی دوستمحمد نایابنینگ سلاموطندارگه ایتیشیچه، مذکور قرارگاهلرده پولیس همده محلی پولیس بولگن. اونگه کوره، هجوم قیلگنلر ایکی تهسی ملی پولیس و بیرتهسی ایسه محلی پولیسدن عبارت.
جناب نایاب، مذکور اوچ هجومچی پولیس حادثهدن سونگ قورال اسلحهلری بیلن جنگری طالبلر صفیگه اوتگن دیگن.
شونینگدیک ولایت والیسینینگ سوزلاووچیسی، واقعهدن سونگ پولیس کوچلری محلگه باریب، واقعه گه قولی بارلیککه گمان قیلیب نیچه کیشینی قولگه آلگن دیگن. اونینگ سوزلریگه کوره، قولگه آلینگنلرنینگ سانی هنوز معلوم ایمس، اما قاچگن اوچ عسکرنی ملی پولیس صفیگه کیریش اوچون تضمین قیلگن شخصلر هم حبسگه آلینگن.
قندهار ولایتی قطار یشاووچیلری همده مدنی فعاللری حادثهنی قارهلب ایتیشیچه، ملی پولیس صفیگه کیشیلر آلینیشی اوچون حکومت جدی بولیشی ضرور.
اوزینی قوراللی طالبلرنینگ سوزلاووچیسی دیب تانیتگن قاری یوسف احمدی، حادثه مسوولیتینی اوز ذمهسیگه آلیب، پولیس واقعهنی صادر قیلیب، قوراللی طالبلر صفیگه قیتگن پولیسلر اوشبو حرکتنینگ اعضالری دیگن.
شونینگدیک اوتگن هفته هم قندهارولایتینینگ خاکریز ولسواللیگده بیر عسکر تورت پولیسنی اوققه توتیب هلاک ایتگن ایدی.
