اوتکن کیچه امنیتی کوچلر و طالبان گروهی آرهسیده یوز بیرگن آتیشمه نتیجهسیده فاریاب ولایتینینگ کوهستان تومنی طالبلر قولیگه سقوط قیلیب و مذکور تومن ولسوالی عبدالرحمان پناه، هلاک ایتیلگن.
فاریاب ولایت کینگشی باشلیغی محمدطاهر رحمانینینگ ایتیشیچه، کوهستان تومنینینگ ولسوالی بیلن بیرلیکده، اونینگ 8 قورقچیسی هلاک ایتیلگن. جناب رحمانی گه کوره، حاضرده امنیتی کوچلردن اونلرچهسی طالبلر قمرویگه قولگن.
بیراق فاریاب حاکمینینگ سوزلاوچیسی احمدجاوید بیدارنینگ اوشبو خبرنی تصدیقلب ایتیشیچه، هلاک ایتیلگنلر و قولگه آلینگنلردن بیللی رقم یوق دیر.
سرپل ولایتی صیاد تومنینینگ قفلاتون و القانی قیشلاقلری طالبلر تصرفیگه کیرگن.
کیملیگی سیر قالیشنی ایستهگن بیر منبعنینگ سلاموطندارگه ایتیشیچه، طالبان گروهی اوتکن کیچه ملی اوردو 3 پوستهسی و محلی پولیس ایکی پوستهسی اوستیده هجوم قیلیب مذکور پوستهلرنینگ بوتون اوق و قوراللرینی اوزلری بیلن آلیب کیتگن.
اوشبو منبعگه کوره، آتیشمه کیچه ساعت 10 دن باشلب یرتهلب ساعت 6 گهقدر دوام تاپیب نتیجهده امنیتی کوچلردن 12 تهسی هلاک، ملی اوردو کوچلریدن 4 تهسی طالبلر تامانیدن قالگه آلینیب شونینگدیک ملی اوردو و محلی پولیس کوچلریدن کمیده 30 تهسینینگ سرنوشتی بیللی ایمس.
منبعنینگ ایتیشیچه، حاضرده اوشبو تومننینگ امنیتی وضعیتی خواطرلنتروچی دیر.
209 شاهین قول اوردو قومندانلیگی و سرپل امنیتی رسمیلری، حاضرگهقدر اوشبو توغریده مدیالرگه معلومات بیرمهگن.
