افغانستانلیک تَنیقلی صورتچی نجیبالله مسافرنی آزاد ایتیلیش فرمانی بوگون حوت آیینینگ 20- جمهور رییس تامانیدن امضالندی.
جمهور رییس نینگ ایکّینچی اورین باسری مطبوعات ادارهسینینگ مصلحتچیسی فرید خروشنینگ سلاموطندارگه ایتیشیچه، نجیبالله مسافرنی آزادلیککه چیقاریلیش فرمانی جمهور رییس اشرفغنی آرقهلی امضالنگن. اونینگ آزاد ایتیلیش مکتوبی ایچیکیایشلر وزیرلیگی قوشیمچه عالی محکمه و تورمهلر ریاستیگه جونهتیلگن.
جناب خروش نینگ ایتیشیچه، پنج شنبه کون رخصتیسی اورتهده بولمهگنده ایدی، جناب مسافر شو بوگون پلچرخی تورمهسیدن آزاد قیلینردی.
اونینگ سوزلریگه کوره، جناب نجیبالله مسافرنینگ قمهلیشیگه عاید هیچ قندهی گناهی بولمهگن. او، باش قره لاوچیلیک ادارهسینینگ عجیب و غریب حکم اساسیده قماققه آلینگن.
نجیبالله مسافر آزاد ایتیلیشیگه عاید حکم قولیده بولگن چشم سوم مسوول مدیری رضا ساحلنینگ سلاموطندارگه بیلدیریشیچه، جناب مسافر تیزلیکده آزاد ایتیلهدی.
مسافر اوچون جنجال توغدیرگن صورتده ایکّی قیز بسکتبال توپ لوگوسی اوشلگن حالده کورینهدی. اوشبو صورت پرودکشنگه بیریلیشی بیلن بسکتبال لوگویسی اورنیگه اتصلاتات مخابرات شرکتینینگ لوگوسی اوریلهدی. مذکور صورت آلینگنیدن ییتی ییل اوتگندن کیین قیز نینگ عایلهسی بو توغریده ادعا قیلگن.
نجیبالله مسافر نیچه هفتهدن بیری کابلنینگ پلچرخی تورمهسیده کون کیچیرهدی.
