ملی خوفسیزلیک کینگش دفتری نینگ اعلام قیلیشیچه، اوتگن بیر آی ده مملکتده 129 تینچاهالی طالبان آرقهلی هلاک ایتیلگن و باشقه 291 کیشی یرهلنتیریلگن.
بوگون (شنبه 28- سرطان) ملی خوفسیزلیک کینگش دفتری بیر اعلامیه نشر قیلیب ایتیشیچه، اوتگن بیر آی ده طالبان گروهی افغانستان نینگ 30 ولایتیده 1 مینگ و 456 هجوم اویوشتیرگن کیم نتیجهده، 129 تینچاهالی جان بیرگن.
اعلامیه نینگ کوپهیتیریشیچه، طالبان گروهی زوروانلیکلر کمهیتیریلیشی خصوصیده سوزبیرگن بیر حالده، شهرلر و قتناو یوللرده کوپینچه هجوم اویوشتیرگن.
مذکور اعلامیه اساسیده، طالبان اینگ کوپ تلفات نی سمنگان، ننگرهار و قندهار ولایتی یشاوچیلریگه ییتیشتیرگن.
ملی خوفسیزلیک کینگش دفتری گه کوره، طالبان پارتلهش و خودکش هجوم اویوشتیریش یانیده، ریجهلنگن قتللر و مقناطیسی ماینلرگه قول اورگن کیم تینچاهالی نینگ کوپینچه تلفاتی گه سبب بولگن.
اعلامیهده کوپهیتیریلیشیچه، تینچاهالی نی نشان آستیده آلیش اوروش قانونلریگه قرشی دیر و اوروش جنایتی حسابلنهدی.
بیراق طالبان تینچاهالی اولدیریلیشی نی توجیه قیلیب ایتیشیچه، بو گروه نینگ اوروشدن باشقه یولی یوق و زوروانلیکلر کمهیتیریلیشی و اوروش یکونلهنیشی اوچون مذکور گروه محبوسلری قوییب یوباریلیشی کیرهک.
ملی خوفسیزلیک کینگش دفتری طالبان آرقهلی زوروانلیکلر کوپهیتیریلگنیدن خبر بیرگن حالده، اوتگن کون شام چاغی آمریکا ملی خوفسیزلیک مصلحتچیسی رابرت اوبراین، مملکت جمهوررئیسی محمداشرف غنی و ملی مصالحه عالی کینگش باشلیغی عبدالله عبدالله، تلیفونی صحبت اوتکزیب، طالبان آرقهلی زوروانلیکلر کوپهیتیریلگنیدن خواطر بیلدیریب ایتیشیچه، دایمی تینچلیک برقرار ایتیلیشی اوچون زوروانلیکلر توختهتیلیشی کیرهک.
