کیملیگی سیرقالیشنی ایستهگن محلی بیر منبع نینگ سلاموطندارگه ایتیشیچه، داعش گروهی جوزجان ولایتی نینگ درزاب و قوشتپه تومنیده قیتهدن فعالیتگه باشلهگن.
منبعنینگ کوپهیتیریشیچه، حاضرده اوشبو گروه اعضالری درزاب تومنینینگ القانی و سردره قیشلاغی و قوشتپه تومنینینگ قطار منطقهلریده جنگری توپلماقده دیر.
جوزجان ولایتی کینگش اعضاسی حفیظالله ندرت نینگ بو خبرنی تصدیقلب ایتیشیچه، داعش گروهی درزاب و قوشتپه تومنلریده فعالیتگه باشلهگن.
بیراق، جوزجان حاکمی مولوی لطفالله عزیزی نینگ بو خبرنی رد قیلیب ایتیشیچه، داعش گروهینینگ جوزجان ولایتیده فعالیت قیلیشی توغریسیده حاضرگهقدر هیچقندی حجت اولر اختیاریگه قوییلمهگن.
شونینگدیک، ملی مدافعه وزیرلیگی سوزلاوچیسی نینگ اورین باسری زیبر عارف نینگ ایتیشیچه، ملی منفعتگه قرشی فعالیت قیلهدیگن هرقندی گروه نابود ایتیلهدی.
جوزجان حاکمیگه کوره، داعش گروهی رهبرلریدن بولمیش مولوی حبیبالرحمان و مفتی نعمتالله، اوتگن ییل 200 جنگری بیلن افغانستان امنیتی کوچلریگه تسلیم بولگن ایدی.
شوتوغریده…
