افغان عیاللر ترماغی، مدنی جماعهچیلیک ادارهلری و بیر قطار فعال عیاللر فرخنده قتلی بارهسیدهگی دوسیه جریانیدن خواطر بیلدیرگنلر.
مذکور اداره بوگون بیر ییغین اوتکزیب، فرخنده قتل دوسیهسی قانونی یولیدن چیقاریلگن دیگن.
ییغینده اشتراک قیلگن فعاللردن لیاجوادنینگ ایتیشیچه، فرخنده استیناف محکمهسی تیزلیکده آچیق شکلده اوتکزیلیشی لازم.
مدنی ادارهلرنینگ معلوماتیگه کوره، فرخنده قتلی نینگ دوسیهسی قانونی یولدن چیقاریلگن.
بوندن آلدین هم فرخنده دوسیهسی توغریسیده محکمهنینگ آلگن قراری اوچون مدنی جماعهچلیک فعاللر و فرخندهنینگ عایلهسی خواطر بیلدیرگن ایدی.
عیاللرحقوقی فعالی همده نمایندهلر مجلسی نینگ اعضاسی خانم فرخنده نادریگه کوره، ایریم شخصلر عیبلنگنلرنی دوسیهسی اوچون تضمین بیریشگه حرکت قیلگنلر.
عالی محکمه فرخنده قتلیگه قولی بولگن 49 کیشیدن 4 نفرینی اعدام، 8 کیشی سینی 16 آزادلیکدن محروم بولیش و 18 کیشی عیبینی تصدیقلاووچی حجت بولمهگنی سبب آزاد قیلگن ایدی.
شونینگدیک 8 پولیس عسکری هم حادثهده قولی بولمهگنی اوچون آزاد ایتیلدی.
هنوزگچه هم فرخنده قتلیگه عاید ایکینچی محکه قچان اوتکزیلیش زمانی انیق ایمس.
فرخنده اوتگن ییل حوت آیینینگ 28- سیده کابل نینگ شاه دوشمشیره منطقهسیده قطار غضبلنگن کیشیلر آرقهلی تاشلهنیب اولدیریلگن ایدی.
