پنجشیر ولایتیده یوز بیرگن آغیر قار کوچگیسیدن بیر آی اوتیشیگه قرهمی، یاردم ییتکزیب بیرووچی کمیتهلر هنوزگچه هم ولایتنینگ اوزاقده جایلشگن ایریم قیشلاقلریگه باره آلمهگنلر.
ولایت محلی بلند مرتبهلی رسمیلریگه کوره، خاواک و آریو قیشلاقلرینینگ ترانسپورت یولی هنوزگچه ترافیک یوزیگه آچیلمه گنلیگی باعث، جبر دیدهلرگه هلیگچه هم انسان پرورلیک یاردملر ییتکزیب بیریلمهگن.
پنجشیر ولایتینینگ سرپرستی عبدالرحمن کبیرینینگ سلام وطندارگه معلوم قیلیشیچه، آریو قیشلاغی مرکزیگچه بیش کیلومتر و خاواک قیشلاغی مرکزیگه قدر 18 کیلو متر یول هنوز هم قاردن تازهلنمهگن.
جناب کبیری، جبر کورگنلر انیق لهینشی اوچون تیکشیروو باشلنگن، طبیعی حادثهدن جبر کورگن قیشلاقلردهگی اهالی سانی رویخطگه آلینشی بیلن یاردملر ییتکزیب بیریلیشینی تیلگه آلگن.
یاردملر ییگولیک آذوق آوقت، آشخانه اوسکونهسی همده چادردن عبارت دیر. قار کوچگیسیده جبر کورگن خانهدانلر نینگ شکایت قیلیب ایتیشلریچه، اصلی احتیاجلری بولگن ییش بنا اوچون هنوزگچه هم هیچ قندهی ایش قیلینمهگن. اهالی تنقیدلرینی تصدیق لهگن حکومت نینگ رسمیلریگه کوره، یشش بنالری قولدن بیرگن هر بیر خانهدان اوچون 15000 افغانی ترقتیلهدی.
اما، ولایت سرپرستی، اهالینینگ ایستهگی ولایت کوچیدن یوقاری دیگن. اوتگن ییل پنجشیر ولایتیده یاققن آغیر قار نتیجهسیده ولایتنینگ تورت ولسواللیگیده قار کوچگیسی روی بیرگن ایدی، بو طبیعی آفتده 200 تورر بنا بوتونلی شونینگ 450 یشش بنا ایسه یریم حالتده ویران بولگن ایدی.
ایتیلیشیچه، بو طبیعی حادثه ده 17 مکتب، 8 مسجد ویران بولیب اورته دن کیتگن.
