عالی تینچلیک کینگشینینگ قطار اعضالرینینگ ایتیشیچه، تینچلیک مذاکرهسی طالبلرنینگ برچه گروهلری بیلن مذاکره اوتکزیلگنده نتیجه بیریشی ممکن.
عالی تینچلیک کینگشینینگ اعضالریدن بیری امین مظفرینینگ سلاموطندارگه ایتیشیچه، اوشبو سوزلشوولرده طالبلرنینگ برچه گروهی اشتراک ایتگن حالده، نتیجه بیرهدی.
طالبلرنینگ گروهی ملامحمد عمرنینگ اولیمیدن کیین، ایکی گروهگه اجرهلدی و بو گروهلر ملااختر محمد منصور و ملامحمد رسول رهبرلیگیده ایریم موضوعلر خصوصیده، بیر- بیراوی بیلن توقنهشگن.
اوتگن (شنبه کون)، افغانستان تینچلیک سوزلشوولری ییغینیده تورت تامانلمه اویغون گروهی تینچلیک لایحه عملی بولیش باسقیچینی بیلگیلهیدیگن ریجه اوستیگه کیلیشگن. اوشبو ییغین خبرنامهسیده کیلیشیچه، افغانستان حکومتی بیلن طالبلرنینگ اورتهسیده یولگه قوییلهدیگن یوزمه یوز تینچلیک سوزلشوولرینی تاریخی، میلادی جاری آی اداغیگچه بیلگیلنیشی ممکن.
عین حالده، مملکت سیاسی ایش بیلرمانلریدن بیری وحید مژده، تورت تامانلمه ییغینلر بولیب اوتیشیدن خرسند کورینمهیدی. جناب مژدهگه کوره، قطرده طالبلرنینگ سیاسی دفتری باشلیغینینگ اونگه ایتیشیچه، افغانستان، پاکستان، امیریکه و چین مملکتلرینینگ تورت تامانلمه سوزلشوولری توغریسیده اولر بیلن مصلحت قیلینمهگن و طالبلرنینگ بو مسئلهدن خبری یوق.
وحید مژدهنینگ ایتیشیچه، پاکستان طالبلرنینگ مذاکره میزی اوستیگه حاضرلهشی ممکن، بیراق اوشبو ییغینلرده ملااختر محمد منصور گروهینینگ حضوری اونملی دیر؛ دیمک افغانستان اوروشی اوشبو گروه تامانیدن آلغهآلیب باریلهدی.
اوشبو سیاسی ایش بیلرماننینگ ایتیشیچه، افغانستان تینچلیگی توغریسیدهگی ریجه بیر تامانلمه و طالبلردن خبرسیز ریجهلنگن و بو ریجهنی مذکور گروه اوستیگه زوردن قبول قیلدیریب بولمهیدی. مژدهگه کوره، طالبلرنینگ نظریدن اوزاق افغانستان تینچلیگی توغریسیدهگی ریجه پاکستاننی ینگی اویینی بولهآلهدی.
بیراق، مملکت تشقی ایشلر وزیرلیگی بو ادعالرنی رد قیلهدی. مذکور وزیرلیک سوزلاوچیسی شکیب مستغنینینگ ایتیشیچه، طالبلر ارا یوزمه یوز سوزلشوولر باشلنگن صورتده، ایکی تامان برچه موضوعلرنی بحثگه آلهدی.
شونینگدیک، جناب مستغنینینگ (یکشنبه کونگی) خبری ییغینده اورغولشیچه، تینچلیک سوزلشوولریگه اشتراک ایتمهی و اوشبو سوزلشوولرگه توسیق بولگن گروهلر، افغانستان، پاکستان، چین و امیریکه مملکتلرینینگ جدی قرشیلیگیگه روپهره بولیشی ممکن.
مملکت تینچلیک تورت تامانلمه گروهی ییغینیده، افغانستان نمایندهلیگیدن تشقی ایشلر وزیرلیگی سیاسی اورین باسری حکمت خلیل کرزی، پاکستان تشقی ایشلر وزیرلیگی اورین باسری اعزاز احمد چودری، افغانستان و پاکستان بوییچه قوشمه ایالتلر خاص نمایندهسی ریچارد جی اولسن، افغانستان بوییچه چیننینگ خاص نمایندهسی دینگ شیجون، هیأتلر نمایندهلیگیدن اشتراک ایتگن.
اوتگن (شنبه کون) اوشبو گروهنینگ کیلیشووی اساسیده، تینچلیک سوزلشوولری تیزلیکده نتیجه بیریشی اوچون، اولتیریشلریگه دوام بیرهدی. افغانستان، پاکستان، چین و امیریکه اورتهسیدهگی تینچلیک تورت تامانلمه سوزلشوولرنی تورتینچی دوری، میلادی 2016- ییل 23- فبروری و 4- حوت کابلده اوتکزیلیشیگه قرار قیلینگن.
