بوگون (سهشنبه) جمهور رییس محمداشرف غنی اقشنینگ دیورند ایکی تامانیگه امیریکه نظارتیده افغانستان و پاکستان حربی کوچلرینینگ عصیانچیلرگه قرشی عملیات اوتکزیش موافقهسینی قیلگن.
اوشبو شرطنامهگه امریکهلیک دیپلومات جان مککین و جمهور رییس غنی اورتهسیده قول قوییلدی.
جمهور رییسلیک سرایینینگ تویتریگه یازیلیشیچه، امیریکهلیک سناتور جان مکین باشلیغیده اقشنینگ افغانستان و پاکستان اوچون کیلگن هیأتی کابل کیلگن و ایکی مملکت علاقهلری یخشیلنیشی بارهسیده حل یول قیدیرماقده.
شونینگدیک خبرنامهده، جمهور رییس محمداشرف غنی امیریکهنینگ پاکستان و افغانستان حربیلرینینگ دیورند ایکی تامانیگه قوشمه عملیات اوتکزیشینی امیریکه نظارت قیلیشی بارهسیده تأکید قیلگن.
جمهور رییس امیریکه سناتوریگه افغانستان اوچون امیریکهنینگ ایشانچی اوته مهم و اونگه ارزش بیرهدی دیگن.
اوتگن کون جان مکین بیلن امیریکه سناتورلریدن بیر قطاری پاکستانگه هم وضعیتنی تیکشیریش اوچون سفر قیلگن ایدیلر.
بو سفردن مقصد امیریکهنینگ افغانستان اوچون ینگی توزهتیلگن لایحهسی بارهسیده پاکستاننی شریک قیلیش و ایکی مملکت علاقهلرینی تیکشیریش بولگن.
لیکن اوشبو سفردن باشقه جزیات قولده ایمس.
جان مکین، جمهور رییس اوباما زمانیده هم افغانستان و پاکستانگه سفر قیلیب رسانهلرگه حقانی ترور ترماغیگه قرشی کورهشیب ایلدیزدن یوقاتیش بارهسیده صحبت قیلیب و پاکستاندن ترورچی گروهلرگه قرشی صادقلیک بیلن جدی کورهشی خصوصیده تأکید قیلگن ایدی.
