فراه بیر قطار ولایتی کینگش اعضالرینینگ سلاموطندارگه ایتیشیچه، طالبان انار دره تومنیده اوتگن کیچه ساعت 2 ده هجومکیلتیریب و بوگون ایرتهلب اوشبو تومن پولیس قومندانلیگینی نظارت گه آلگنلر.
توقنشو محلیده رسانه لرگه ایتیب کیلگن صورتلرگه کوره، طالبان اناردره پولیس قومندانلیگی نی نظارتلریگه آلگن.
فراه ولایتی کینگش اعضاسی دادالله قانع نینگ سلاموطندارگه ایتیشیچه، طالبان تومن بناسی و ملی اردو پوستهسینی نظارت گه آلماق اوچون تلاش قیلماقدهلر.
اونگه کوره، حاضرگچه امنیتی کوچلرگه هیچ بیر یاردم کیلمهگن. او حکومتدن اوشبو تومنده یاردمچی کوچلرنی یوباریلیشینی طلب قیلهدی.
فراه ولایتی کینگش اعضالریدن جمیله امینی، اوشبو تومن نینگ امنیه قومندانی تورت عسکری بیلن مذکور هجومده تن جراحتی کوتارگنینی معلوم قیلیب و اوشبو تومنده یاردمچی کوچلر کیلمهگن صورتده، امنیتی کوچلر نینگ اکثری سینی اولیشی ممکن دیدی.
بیراق اوشبو ولایت مدنی فعاللریدن قدرت الله فاروقی نینگ سلاموطندارگه ایتیشیچه، طالبان گروهی اوشبو تومن امنیه قومندانلیگی یانیده، تومن بناسی و ملی امنیت اداره سینی هم نظارتلریگه آلگن.
انهشو حالده فراه والیسی نینگ سوزلاوچیسی ناصر مهری، اوشبو تومنده طالبان نینگ هجومینی تصدیقلب ایتیشیچه، طالبان تومن بناسینی 3 کیلومترلیگیده کیلگن و هلیگچه هم توقنشونی دوامی بار.
اونگه کوره، یاردمچی کوچلر هوا و ییردن اوشبو تومن ده ایباریلگن.
اونینگ کوپیتیریشیچه، طالبان اوشبو تومن ایریم منتطقهلریگه ماین اورنتگن و اوشبو مسله امنیتی کوچلر نینگ ایشینی سوسیتیرهدی.
فراه والیسی نینگ سوزلاوچیسی گه کوره، امنیتی کوچلرنینگ تلفات رقمیدن هلیگچه انیق حجت قولگهکیلمهگن.
