بغلان ولایت کینگشینینگ بلند مرتبهلی رسمیلرینینگ ایتیشیچه، قوراللی طالبلر ولایت مرکزی پلخمریگه تیگیشلی دند غوری منطقهسیده 14 یولاووچینی اوغیرلب کیتگنلر.
بغلان ولایت کینگشینینگ کاتبی بسمالله عطاش، جنگری طالبلر بوگون ایرتلب ساعت آلتیده 20 نفر یولاووچینی بس تیپلی موتردن توشیریب، بیر آقسقال قوشیمچه بیش عیالنی قیته قوییب یوباریب، باشقه اون تورت کیشینی اوزلری بیلن آلیب کیتگن.
اوغیرلگنلر برچهسی هزاره قومیگه منسوب دهنهء غوری یشاووچیلریدن عبارت دیر.
ایتیلیشیچه، اوغیرلنگنلر برچهسی محلی پولیسنینگ خانهدانیگه تیگیشلی دیر. شونینگدیک قوراللی طالبلر مذکور یولاووچیلر برچهسی هلاک ایتیلیشی توغریسیده آگاهلنتیرگنلر.
بغلان پولیس قوماندانی عبدالجبار پردلنینگ سوزلریگه کوره، قوراللی طالبلر دستلب 16 یولاووچینی اوغیرلیب، وسونگ 5ته سینی آزاد قیلگنلر.
بغلان پولیس قوماندانی، اوغیرلنگن 11 کیشی هنوزگه هم تیریک دیر و مذکور شخصلر منطقه قوم یاش اولوغلری واسطهچیلیگی بیلن آزاد ایتیلیشلری اوچون سعی وحرکت آلیب باریلماقده دیگن.
اوتگن ییل قیشدن بیری افغانستانده گروگان آلیش حاللری کوزگه کورینرلی درجهده آشگن. اوتگن ییل حوت آیینینگ 4- سیده هزاره قومیگه منسوب 31 کیشی زابلده اوغیرلهنیب نهایت ایکی آی اوتگندن سونگ اولرنینگ 19 کیشیسی آزاد ایتیلگن ایدی. ایتیلیشیچه، هنوزگچه اوغیرلنگنلردن 12 کیشیسی نینگ تقدیر بارهسیده انیق معلومات قولده ایمس.
