تخار پولیس رسمیلری نینگ ایتیشیچه، مذکور ولایت خواجه غار تومنینینگ طالبلر قولیگه توشگن منتطقه لرینی قیتهدن آلهدیلر.
اوشبو رسمیلرنینگ ایتیشیچه، جنگری طالبلر کندوز ولایتی دشت ارچی تومنینینگ باسیب آلگنیدن کیین تخار ولایتی خواجه غار تومنیگه هجوملرینی کوپهیتیرگن.
دشت ارچی تومنی امنیتی کوچلرنینگ نیچه کونلیک خاص عملیاتیدن کیین، اوتگن کون طالبلر قولیدن آلیندی.
خواجه غار تومنی، دشت ارچی تومنی بیلن چیگره داش بولیب، تخارنینگ کوکچه اطرافیدهگی تومنلر ایشیگی دییلهدی. کوکچه اطرافیدهگی تومنلربیلن تخارمرکزینینگ کیلیم و کیتیم یولی خواجه غاردن اوتهدی.
اوتگن کون، خواجه غار باشلیغینینگ آگاه لنتیریش اساسیده، بو تومنگه دقت قیلینمه گن صورتده، طالبلر باسیب آلهدی دیگن ایدی. بیراق تخار پولیس سوزلاوچیسی خلیل اسیرنینگ ایتیشیچه، امنیتی کوچلر خواجه غار تومنینینگ قولدن کیتگن منطقه لرینی قیتهدن قولگه آلیش اوچون عملیات اوتکزماقچیلر.
طالبلرنینگ میدیاگه یوبارگن خبرنامه سیده کیلیشیچه، خواجه غارامنیتی کوچلرینینگ بیر کته مرکزی نی باسیب آلگن. طالبلرنینگ خبرنامه سیده کیلیشیچه، خواجه غارده 18 قیشلاقنی اوشبو گروهجنگریلری باسیب آلگن.
بیراق تخار پولیسی سوزلاوچیسی، بو گروهنینگ ادعالرینی رد ایتکن. اونینگ کوپهیتیریشیچه، جنگری طالبلر خواجه غارده یالغیز تورت قیشلاقنی باسیب آلگن. اونگه کوره، «چیچکه»، «مینگ چقور» و «زردکمر» قیشلاقلری طالبلرنینگ اختیاریده بولگن.
قندوز ولایتی دشت ارچی تومنی و خواجه غار چیگره سیده بیر ییلدن امنیتی کوچلر و طالبلر اورته سیده اوروش دوام ایتهدی. تخار ولایتی دفاعی کمربندی دشت ارچی تومنی طالبلر تمانیدن باسیب آلینگنیدن کیین، طالبلر خواجه غارده کیریب کیلدی.
تخار ولایتی کینگش اورین باسری ماریه تیمورینینگ ایتیشیچه، حکومت تیزلیکه طالبلرنینگ خواجه غاردن چیقاریشی لازم، چیقارمه گن صورتده کته قیینچیلیککه روپهره بولهدی.
تیموریگه کوره، طالبلر چیقاریلگنیدن کیین، طالبلرنینگ قیته هجومی باشقریلیشی اوچون حکومت تمانیدن دفاعی کمربند کوچلنتیریلیشی کیرهک.
طالبلر خواجه غار تومنینینگ باسیب آلیش اوچون نیچه مرته هجوم اویوشتیرگن. تخار ولایتی کینگش اعضالرینینگ ایتیشیچه، عصیانچیلر خواجه تومنینی باسیب آلگن صورتده، تخارنی قوتقریش کندوز دیک قیین بولهدی.
باشقه تماندن تخار امنیتی رسمیلرینینگ ایتیشیچه، شونینگ طالبلر بغلان ولایتی بورکه تومنی یولیدن تخار ولایتی اشکمش تومنیگه عملیاتنی باشلهگن.
