«تینچلیک و دموکراسی اوچون برابرلیک» تشکیلاتینینگ یقینده اوتکزگن تحقیقی گزارشی نتیجهسیده افغانستان دولتی 2014- ییلده 9 میلیارد و 91 میلیون دالرنی «اشدیگرچیلیک زوروانلیک» یولیده صرفلهگنلیگینی کورستهدی. مذکور حساباتده هر کون25 میلیون دالر صرفلهنیشی ایتیلگن.
مذکور تحقیقی گزارشده اساسلهنیب یازیلیشیچه، اوشبو خرجتنینگ 44% ایچکی ناخالص ایشلب چیقاریش، 113 % 1394ییل بودجهسی و افغانستان ایچکی درآمدینینگ بوتونلی تورت برابریگه یقین دیر.
تینچلیک و دموکراسی اوچون برابرلیک تشکیلاتینینگ مسووللری، افغانستانده اشدیگرچیلیک و زوروانلیک کوپینچه آستقورمه، تعلیم و تربیه و صحی بولیملرگه زیان ییتکزیگن، اوشبو بولیملرگه صرفلنه دیگن بودجه اوروش اوچون هزینه ایتیلگن دیگن.
شونینگدیک مذکور گزارشده کیلیشیچه، اوروش و نابرقرارلیک تورلی شیوهلر بیلن تعلیم و تربیه بولیمیگه هزینه تحمیل ایتیب، اوقیتوچیلر، اوقوچیلر و دولت ملازملری اولدیریلیب مکتبلر ویران ایتیلیشی بیلن تعلیم و تربیه جریانیگه زیان ییتکزگن.
اوشبو تحقیق اساسیده قولگه کیریتیلگن گزارشده اوروشده صرفلنه دیگن بودجه اصلیده تعلیم و تربیهگه هزینه ایتیلیشی کیرهک لیگی تاکیدلنگن.
شونینگدیک مذکور تحقیقنی معلوم قیلیشیچه، افغانستانده بیر ییلده اوروشگه خرجلنهدیگن مبلغ بیر ییلده بوتون مملکت خلقینی آذیق آوقت بیلن تامین ایتهدی.
بو ادارهنینگ اورین باسری ادریس عمرزاد مذکور گزارشده اشدیگرچیلیک و زوروانلیک نینگ سکیز بولیمیگه صرفلنه دیگن مبلغ؛ امنیت، قوشیلیش، ضرر تولش، انسانی سرمایه، احتمالی درآمد، صحت، یره لهنیش و ناگران، تعلیم و تربیه، آستقورمهلر ویران ایتیلیشی و اوروش جریانیده اوز ییش جایلرینی ترک قیلگنلردن عبارت دیگن.
تینچلیک و دموکراسی اوچون برابرلیک تشکیلات اورین باسری مذکور تحقیقی گزارش 2014- ییل نینگ بیرینچی سکیز آییده هرات، بامیان، ننگرها، فاریاب، قندوز، قندهار و کابل ولایتلریده عملگه آشیریلیب رقم لر ایسه مالیه وزیرلیگیدن آلینگن. اونگه کوره، تحقیق جریانیده امنیتی مسووللر، عالی تینچلیک کینگشی و باشقه ادارهلر رسمیلری بیلن صحبت قیلینگن.
مذکور ادارهنینگ احتمالی درآمد و انسانی سرمایه بولیمیده قولگه کیریتگن گزارشیده،2014- ییلده تینچ اهالی و حربی شخصلرنینگ تلفات سانی 8699 کیشی بولگن اولرنینگ سرانه درآمدلر نظرده توتیلگن حالده (644.80دالر) 67میلیون دالردن آرتیق دولتگه هزینه بولگن.
تینچلیک و دموکراسی اوچون برابرلیک تشکیلات تحقیقیده کیلیشیچه، اورتهچه دنیادهگی هر بیر تورت مهاجردن بیرتهسی افغانستانلیک بولگن. مذکور گزارشنی کورسهتیشیچه، میلادی جاری ییلده ایچکی آواره بولگن لر سانی 964مینگ کیشی گه ییتگن بو مساله مالی زیان دن تشقری اقتصادی بی ثباتلیک اوچون هم سبب بولگن.
مذکور تحقیقنی مالی حمایت قیلگن امریکه قوشمه ایالتلرینینگ تینچلیک انستیتوت رییسی شاهمحمد میاخیل، اوشبو ییریک خرجت داودیرهتووچی دیگن. اونگه کوره، مملکتده اوروش بولمهگن حالده، مذکور مبلغ رواجلنتیریش ساحهگه صرفلگن تقدیرده افغانستان تیزده رواجلنهدی.
مذکور ییغینده اشتراک قیلگنلردن نجیبه ایوبینینگ سوزلریگه کوره، اشدیگرچیلیک و زوروانلیک بولیملرگه هزینه موجود بولیب بولر جامعهدن یاشیرون قالگن و مذکور تحقیق ایسه بو هزینه بیر بولیمینی یاروتگن.
عین حالده، تینچلیک و دموکراسی اوچون برابرلیک تشکیلاتی مسووللریگه کوره، جاری ییل نابرقرارلیکلر میزانی آشگن، کیلگوسی ییلده اوشبو تحقیقگه اوخشهگن تیکشیروو اوتکزیلگن حالده بو رقم ایسه توقیز میلیار دن آشیشی ممکن.
