مملکت جمهور رییسی محمداشرف غنینینگ ایتیشیچه، افغانستان دنیا مملکتلری اوچون ایریم تروریستی گروهلرگه قرشی اوروشهدی.
بوگون (چهارشنبه) پاکستان پایتختی اسلامآباد ده یولگه قوییلگن آسیا یورهگی ییغینیده، جمهور رییس غنینینگ ایتیشیچه، منطقه اوروشینی بیرینچی عاملی، اوشبو مملکتلر اورتهسیده خلق ارا و منطقهیی تروریستی گروهلر موجودلیگی دیر.
جناب غنینینگ ایتیشیچه، القاعده، داعش، چچینلیک، اوزبیکستانلیک، تاجیکستانلیک و اورته خاور مملکتلری اوروش اوچون افغانستان کیلهدی. جناب غنیگه کوره، افغانستان خلقی، مذکور گروهلرنی ظلمیگه چیدهب و اوشبو گروهلر بیلن اوروشهدی.
بو ییغینده، پاکستان باش وزیری نوازشریفنینگ ایتیشیچه، افغانستان ثباتی، منطقه منفعتیگه دیر. جناب شریفنینگ کوپهیتیریشیچه، افغانستان تینچلیگی تأمینلنیشی خصوصیده کورهشیش، منطقه مملکتلرینینگ علاقهسی مستحکملنیشیگه سبب بولهدی و بو توغریده افغانستان و پاکستان یخشی یوتوقلرگه ایریشهدی.
آسیا یورهگی مملکتلرینینگ بیشینچی ییغینی استانبول لایحهسی دوامیده، بو مرته پاکستان پایتختی اسلامآباد ده یولگه قوییلدی. بوگونگی ییغینده، منطقهده امنیت تأمینلنیشی و اقتصادی رواجلنتیریشلر بحثگه آلیندی.
شونینگدیک، ییغین چیککهسیده، جمهور رییس غنی، افغانستان، پاکستان و امیریکه اورتهسیدهگی اوچ تامانلمه اوچرهشیش و باشقه افغانستان، پاکستان، چین و امیریکه اورتهسیدهگی تورت تامانلمه اولتیریشده اشتراک ایتهدی.
جناب غنیگه، اوشبو سفرده تشقی ایشلر وزیری صلاحالدین ربانی، ملی امنیت مصلحتچیسی حنیف اتمر، سالیق وزیری اکلیل حکیمی، جمهور رییسنینگ اقتصادی مصلحتچیسی عمر زاخیلوال و تشقی ایشلر وزیرلیگی سیاسی اورین باسری حکمتخلیل کرزی همراهلیک قیلهدی.
باشقه تاماندن، افغانستان بوییچه اروپا بیرلیگی نمایندهلیگی بیر خبرنامه ترقهتیب ایتیشیچه، آسیا یورهگی ییغینی چیککهسیده، افغانستان، امیریکه و اروپا بیرلیگی هیأتلری هم اوچرهشگن. خبرنامهده کیلیشیچه، بو اوچرهشووده میلادی 2016- ییل وارسا و بروکسل ییغینلر اوتکزیلیشی خصوصیده بحث قیلینگن.
ایتیلیشیچه، وارسا و بروکسل ییغینلریده، دنیا جماعهچیلیگی تامانیدن رواجلنتیریش و امنیتی بولیملرده افغانستانگه کوپینچه یاردم بیریلیشی خصوصیده وعده بیریلهدی.
