افغانستان دولت باش قاره لاووچیلیگینینگ بلند مرتبهلی رسمیلری، 18 کیشی قارهلاووچی فرخنده قتلی دوسیه سینی تیکشیرهدی دیگن.
دولت باش قارهلاووچیلیگینینگ سوزلاووچیسی بصیرعزیزنینگ بیر مطبوعات انجمنیده ایتیشیچه، دوسیهنی تیکشیریش اوچون کوزگه کورینرلی آلغه سیلجیش لربار.
اوتگن کون (جمعه) فرخنده قتلیگه قولی بولگن ایکّی کیشی اوشلنگن. جناب عزیزی، فرخنده قتلی اوچون قولی بارلیگی سبب هنوزگچه 19 پولیس عسکری قوشیمچه 49 کیشی قولگه آلینگن دیگن. ایتیلیشیچه، کوپچیلیک عیب لنگنلر اوز جرمینی اعتراف قیلگن.
شونینگدیک جناب عزیز، افغانستان عدلیه وزیرلیگی عیبلنگنلر دوسیهسی اوچون وکیل مدافع تعین ایتگن لیگینی بیلدیرگن. عدلیه وزیرلیگی حقوقی مسالهلر بوییچه رییسی اسدالله وحدت نینگ سلام وطندار بیلن بولگن صحبتیده ایتشیچه، افغانستان دولت باش قارهلاووچیلیگی ایستهگی اساسیده وزیرلیک عیبلنگنلر اوچون وکیل مدافعه تعین قیلگن.
27 یاشر فرخنده اوتگن ییل حوت آیی نینگ 28- سیده شاه دوشمشیره زیارتیده قرآن شریفنی اوتگه یاندیرگنلیک عیبی بیلن، ایریم عضبلنگن کیشیلر طرفیدن تاشلهنیب اولدیریلگندن سونگ جسدی یاقیب یوباریلدی.
حادثهدن کیین بیانات ترقتگن افغانستان ایچکی همده حج اوقاف وزیرلیگی بیر اعلامیه ترقه تیب، فرخنده قرآن شریفنی کویدیرمهگن، زیارتدهگی ملا تعویذ یازووچیسی تحریک بیلن اولدیریلگن لیگینی معلوم قیلدی.
فرخنده اولدیریلگن خیابان اونینگ اسمیگه قوییلدی، شونینگدیک اونینگ جسدی یاندیریلگن محلده فرخنده نامیگه اتهلیب بیر کوچت ایکیلدی.
فرخندهنینگ قتل ایتیلیشی مملکت ایچکریسیدن تشقری خارجده هم جدی عکسالعمللرگه روپه ره بولدی. فرخنده حادثهسی اوچون اعتراض بیلدیرگنلر حکومتدن واقعه عامللری جزالهنیشینی سورهگنلر
