اوتگن هفته پنجشنبه کونی ایران و دنیانینگ کوچلی مملکتلری اتم قورال برنامهسی اوستیده کیلیشدیلر و ایریم شخصلر اوشبو کیلیشوو افغانستان منفعتیگه ایکهنینی ایتهدیلر.
سویس نینگ لوزان شهریده اوزاق مذاکرهدن سونگ، ایران و دنیا نینگ آلتی ییریک دولتی بیر قوشمه بیانیه ترقه تیب، بیر چهار چوبه اساسیده نهایی کیلیشوونی بیلگیله گنلر. نمایندهلر مجلسی نینگ بیر قطار اعضالری، ایران و 1+5 گروهی اورته سیده اتم برنامه سی اوستیده کیلیشیلگنلیگینی خوش قرشیله گنلر.
سلام وطندار بیلن صحبت قیلگن نمایندهلر مجلسی نینگ اعضاسی سید جمال فکوری بهشتیگه کوره، افغانستان قوشنی مملکتلری نینگ معماسی حل ایتیلیشی مملکت امنیتی مسالهسی اوچون تاثیری بار.
شونینگدیک او، امریکه بیلن ایران دولتی اورته سیده کیلیشیلگن اتم برنامهسی افغانستان منفعتیگه دیگن. ملی مجلس نینگ اعضالریدن باشقه بیری خلیل احمد شهیدزاده نینگ 1+5 گروهی نینگ ایران اتم قوراللی اوستیده کیلیشگن لیکلری باره سیده ایتیشیچه، دنیانینگ ییریک دولتلری اوز منفعتینی قدیرهدی، اما بوندهی قیینچیلیکلر ایچیم یول بیلن حل ایتیلیشی مقصدگه موافق دیر.
افغانستان سابق جمهور رییسی حامد کرزی بیر خبرنامه ترقهتیب، ایران دولتی و دنیانینگ آلتی ییریک دولتی اورته سیده کیلیشیلگن اتم برنامه سینی خوش قرشیله گن.
کرزی، بو توافق افغانستان، منطقه و دنیا منفعتیگه ایکنلیگینی باره سیده اورغولهگن. اعلامیهده، جمهور رییس غنی اتم قورال اوستیده بولگن کیچک مسالهلر کیلهجکلرده اوشبو ایکی دولت اورته سیده بوتونلی حل ایتیلیشیگه خوش بینلیک کورستگن.
شونینگدیک کابل بیلیم یورتی نینگ استادی همده سیاست شناس طاهر هاشمی، ایران و 1+5 گروهی نینگ اتم قورال اوستیده کیلیشیب آلگنلیکلرینی خوش قرشیلب، مذکور مساله افغانستان منفعتیگه ایکنلیگی توغری سیده تاکیدله گن.
