آیسا یا افغانستانده سرمایه یاتقزیشنی حمایت قیلهدیگن اداره مسووللری و جمهور رییسنینگ اقتصادی مصلحچیسی تامانیدن کابلده صنعتی بیر پارک نینگ توب تاشی قوییلدی. ایتیلیشیچه، مذکور لایحهگه 105 میلیون دالر صرفهلنیشی نظرده توتیلگن.
اوشبو صنعتی پارک اساس قویلیشی اوچون اوتکزیلگن ییغینده سوزلهگن آیسا ادارهسی رییسی محمدقربان حقجو، اوشبو پارکده تورلی محصولاتلرنی ایشلب چیقاروچی اون توقیز ایشخانه فعالیت قلیشی ممکن دیگن.
مذکور پارک زمانوی قوریلیشی اوستیده تاکیدلهگن جناب حقجو، اوشبو لایحه جدی شکلده نظارت ایتیلیشینی بارهسیده تاکیدلهگن.
اوشبو پارکگه شامل کارخانهلر ییگولیک آزیق آوقت، دارو، برقی اسکونه، کییم، پلاستیکی صنعت، تاش ایشلب چیقاریش و باسمه صنعتلر بولیمیده فعالیت قیلیشی کوتیلهدی.
آیسا ریسینینگ سوزلریگه قرهگنده اوشبو پارکده توغریدن توغری 1500 کیشی ایش جایی بیلن تامینلهنهدی و نا مستقیم شکلده ایسه 7500کیشی ایش بیلن تامینلنهدی.
جمهور رییسغنینینگ اقتصاد بوییچه مصلحتچیسی حضرتعمر زاخیلوالنینگ بو ییغینده نطق سوزلب، ایچکی سرمایه یاتقیزوچیلردن کوپراق مملکتده سرماقه یاتقیزیشلرینی سورهگن.
مملکتده سرمایه تاقیزیش ادارهنینگ رسمیلریگه کوره، حاضر افغانستان بویلب فقط سکیز صنعتی پارک کابل، قندهار، بلخ، هرات و ننگرهار ولایتلریده فعالیت قیلهدی.
رسمیلر، پروان، لوگر و وردک ولایتلریده 12 کارخانه ایش آستیده ایکنلیگینی ایتگنلر. مسووللر، حکومتدن مذکور کارخانهلر تیزده فعالیت قلیشی اوچون جدی اعتبار قرهتیشنی سورهگنلر.
