افغانستان امنیتی رسمیلرینینگ ایتیشیچه، ینگی تشقی کوچلر تعیین ایتیلیشی اورنیده افغانستان امنیتی کوچلری جهازلنتیریلیشی کیرهک.
سلام وطندار بیلن صحبت اوتکزگن ملی مدافعه وزیرلیگینینگ سوزلاوچیسی دولت وزیری، افغانستانده امیریکه کوچلری کوپهییشینی خوش قرشیلهیدی؛ بیراق ایتیشیچه، عصیانچیلردن رنج ییلتهدیگن مملکتلر و امیریکه دولتی، افغانستان امنیتی کوچلریگه تعلیمات بیریب و یخشی بیر شکلده جهازلنتیریشی لازم.
جناب وزیریگه کوره، افغانستان عصیانچیلرگه قرشی کورهشهدی و بوتون دنیا مملکتلری، افغانستاندن ترورچیلرنی یوقاتیش خصوصیده، بیرلشسین.
شونینگدیک، حربی ایش بیلرمانلردن بیرقطارینینگ ایشانچیگه کوره، امیریکه دولتی، افغانستانگه کوچ یوباریشی اورنیده، افغان امنیتی کوچلرینی جهازلنتیرسین.
حربی ایش بیلرمانلردن بیری کابلخان تدبیرنینگ ایتیشیچه، افغانستان اوروشی، خلق ارا کوچلری کوپهییشی بیلن ایمس، بلکیم افغانستان امنیتی کوچلری جهازلنتیریلیشی بیلن حل ایتیلهدی.
حربی ایش بیلرمانلردن باشقه بیری عتیقالله امرخیلنینگ ایشانچیگه کوره، افغانستان کوپراق دفاعی و هوایی کوچلر جهازلنتیریلیشیگه احتیاج بولیب تورگن.
افغانستان بوییچه ناتو کوچلری عمومی قومندانینینگ ایتیشیچه، افغانستان طالبلر و باشقه عصیانچی گروهلرگه قرشی اوروشده جدی قیینچیلیککه روپهره بولگن و بو قیینچیلیکنی حل ایتیش اوچون باشقه مینگلرچه امیریکهلیک عسکر لازم.
اوتگن «پنجشنبه» کون کیچ قورون امیریکه سنامجلسینینگ حربی خذمتلر کمیتهسی ییغینیده سوزگه چیققن ناتو عمومی قومندانی جان مک نیکلسوننینگ افغانستان وضعیتی توغریسیده ایتیشیچه، روسیه ییترلی شکلده طالبلردن حمایه قیلهدی. اونینگ ایتیشیچه، روسیهنینگ بو حمایتیدن مقصد افغانستانده امیریکه و ناتو فعالیتلرینی سوراققه دوچ کیلتیریش دیر.
شو حاضر، افغانستانده 8500 امیریکهلیک عسکر موجود.
