غور اهالیسیدن اونلرچهسی ولایت والیسیگه قرشی ناراضلیک لیدیردیلر. ناراضلیک بیلدیرگنلرنینگ سانی 800 یوزکیشیدن آشردی، ایتیشلریچه، غور والیسی سیما جوینده، بو ولایت امنیتینی تامین ایتیشگه قادر ایمس و باید وظیفهسیدن بوشه تیلسه.
اولر، اداره ایشلری اوچون تشبثلی کیشی کیلیب، طالبلر بارلیگی و ناتینچلیکلرنی نابود ایتیشگه اولگوریشینی ایستیدیلر.
ناراضلیک بیلدیرگنلر باشقرووچیسی غور ولایتی کینگش باشلیغی فضلالحق احسان ایدی، اونینگ سلاموطندار بیلن صحبت او تکزیب ایتیشیچه، غور والیسی نینگ ولایت مدیریتیگه کوچی ییتمهیدی. جناب احسانگه کوره، ولایت والیسی حیثیده خانم جونده نینگ تنلهنیشی بیلن ناتینچلیکلر و ایش سیزلیک کوپهیب بارماقده. او غور والیسی نینگ ایشلریگه قرشی فکر بیلدیریب، اوتمیش 13 ییلنی حکومت بو ولایتده توجه سیزلیک بیلن اوتکزگن.
ولایت عالملر کینگشی سابق باشلیغی عصمتالله ندیم هم ولایتگه سیما جوینده نینگ والی حیثیده تعین ایتیلیشی بیلن اداری فساد و قومی تعصبلر کوپهیگن دیدی.
تظاهراتچیلر، غور والیسینی ضعیف مدیریت لیگیگه متهم قیلهدیلر و غور ولایتیگه اوخشهگن آسیبگه یقین ولایتلرده ناتینچلیکلر، طالبلر حضوری و باشقه قورالی گروهلر کوچهیشیگه سبب بولهدی دیب بیلهدیلر. ناراضلیک بیلدیرگنلر، حکومت ایستکلریگه توجه قیلمهگن صورتده، یوکسک ناراضلیکلر بیلدیریشلریدن آگاهلنتیرهدیلر.
عین حالده، غور ولایت سوزلاوچیسی عبدالحی خطیبی سلاموطندار بیلن بوبارهده صحبت قیلمهدی و بوبارهده صحبت قیلیشنی ایستمهگن.
سیما جوینده بوندن آلدین غور ولایتیدن کینگش نمایندهسی حیثیده کیلگن ایدی و والی بولیب تنلهنیشی بیلن بو ولایت دین عالملری نینگ قرشیلیکلری بیلن روپهره بولدی.
مذکور کینگش سیما جوینده گه نامه آرقهلی حاضرگی امنیتی وضعیت و شرعیت کوزیدن باید اوز وظیفهسیدن استعفا بیرسه دیگن. بونامهده عالملر کینگشی، بیر عیالنی والی حیثیده تنلهنیشی اهالی رسم و مذهبی احساساتیگه قرشی دیگن ایدی و بولرنینگ ایستهگیگه توجه بولمهگن صورتده، عالملر کینگشی کیلهجک بولهدیگن ایشلردن اطاعت قیلمیدی دیگن ایدیلر.
بو ناراضلیکلر ولایتی کینگش، عالملر کینگشی، شهریشاوچیلری کینگش اعضالری، ایریم مدنی فعاللر و ولایت یشاوچیلری قتنشگن ایدی.
