تخار ولایت سرپرستی عبداللطیف ابراهیمینینگ ایتیشیچه، مذکور ولایت محلی حکومتی، طالبلر برابریده یالغیز قالگن و مرکزی دولت ایستهگی تخار تومنلریدن نیچهتهسی طالبلرنینگ قولیگه توشیش بولسه، بو ایستک عملگه آشمهیدی.
تخار ولایت سرپرستی، مذکور ولایت تومنلریدن بیرقطاری حکومت تامانیدن طالبلرگه قوییب یوبایلیشی خصوصیده آگاهلنتیرهدی، بوندن آلدین بغلان ولایتی مرکزی دندغوری منطقهسی طالبلرگه تاپشیریلگنی توغریسیده گزارشلر ترقهتیلگن ایدی.
بغلان ولایتی کینگشی اعضالرینینگ سوزلری و میدیالر قولیگه توشگن حجتگه کوره، حکومت بیر کیلیشووگه قول قوییب، اوشبو منطقهنی طالبلرگه قوییب یوبارگن.
جناب ابراهیمینینگ ایتیشیچه، مرکزی دولت حاضرگچه، تخار محلی حکومتنینگ هیچ بیر ایستهگیگه دقت قیلمهگن.
جناب ابراهیمی، تخار ولایتینینگ وضعیتی توغریسیده بولگن دقت سیزلیکنی «کیچیریم سیز خیانت» دیب و شمالدهگی حربی ییریک رسمیلریدن، دشمن منفعتیگه ایش قیلمسلیکلرینی سورهدی.
عین حالده، ایچکی ایشلر وزیرلیگی عامه سقلاوچی اورین باسری جمال ناصر صدیقی، امنیتی وضعیتنی تیکشیریش خصوصیده تخار باریب ایتیشیچه، مرکزی دولت تخار خلقینینگ ایستکلریگه ایجابی جواب بیرهدی.
جناب صدیقینینگ ایتیشیچه، مرکزی دولت شمالده حربی کوچلرنی کوپهیتیریشگه قرار قیلگن.
بیراق، تخار ولایت سرپرستینینگ ایتیشیچه، حکومت ییریک رسمیلرینینگ بوگون و ایرته قیلمسلیکلری لازم. اونینگ کوپهیتیریشیچه، اوشبو رسمیلر تخار ولایتی محل رسمیلریگه نیچه مرته سوزبیرگن، بیراق حاضرگه قدر بو سوزلردن هیچ بیری عملگه آشیریلمهگن.
باشقه تاماندن، مملکت شمالیده حربی کوچلر قومندانی جنرال احمدخاننینگ، تخار ولایتی محل رسمیلریگه ایتیشیچه، طالبلر اوشبو ولایتده حضورلرینی کته کورسهتیب، امنیتی کوچلر انگیزهسی کوچسیز بولیشینی ایستهیدی.
احمدخانگه کوره، حربی کوچلر تخار ولایتی ناتینچ منطقهلرینی عصیانچیلردن تازهلش خصوصیده، قربان بیرهمیدن کیین، عملیات اوتکزهدی.
شوندهی بیرحالده، بیر هفته آلدین تخار پولیسی، مذکور ولایت اشکمش تومنیده، جندالله گروهی حربی قرارگاه توزهتیشی توغریسیده خبر بیرگن ایدی. تخار پولیس قومندانی نورمحمد حکیمیگه کوره، اوندن کیین امنیتی کوچلر جندالله گروهی قرارگاهسینی قندوز ولایتیده هدف آستیگه آلگن.
جندالله گروهی اوزبیکستانلیک عصیانچی گروه بولیب، قویاش 80- ییل افغانستانده عصیانچیلیک فعالیتینی باشلهگن. اوشبو گروه رهبرلیگی «طاهر یولداش» قولیده بولیب، القاعده ترماغی و طالبلر گروهی بیلن یقین علاقهده بولگن.
