.jpg)
بادغیس محلی مسؤوللری حربی عسکرلردن بیرقطاری درکسیز یوقالگنی و بالامرغاب تومنیده خوفسیزلیک پوستهلری سقوط قیلگنیدن خبر بیرگن.
سلاموطندارگه صحبت بیرگن بادغیس ولایت کینگشی باشلیغی عبدالعزیز بیک نینگ ایتیشیچه، بوگون ایرتهلب طالبان گروهی بالامرغاب تومنی اوستیگه هجوم قیلگن و مذکور تومن نینگ کوپینچه قسمتلرینی نظارت گه آلگن. اونگه کوره، یالغیز تومن بناسی، خوفسیزلیک قومندانلیگی، حربی قرارگاه و قماقخانه حربی کوچلرنینگ نظارتی ده قالگن.
جناب بیک نینگ ایتیشیچه، حاضر طالبان گروهی و حربی کوچلر آرهسیده آتیشمه دوام ایتماقده و مذکور تومن سقوط عرهفهسیده قرار تاپگن.
عین حالده، بادغیس ولایت کینگشی اعضاسی عبدالله افضلی نینگ ایتیشیچه، خوفسیزلیک پوستهلریدن بیرقطاری طالبان گروهی نینگ نظارتی گه اوتگنیدن سونگ، 100 حربی عسکر درکسیز یوقالگن.
ولایت کینگشی اوشبو اعضاسی نینگ آگاهلنتیریب ایتیشیچه، بالامرغاب اینگ کته انسانی فاجعهنی بیر قدملیگی ده توختهگن.
بادغیس ولایت کینگشی باشلیغی نینگ ایتیشیچه، بوندن آلدین مرکزی حکومت یاردم سورهلگن؛ بیراق حاضرگچه اولرگه هیچ یاردم ییتیشمهگن.
جناب بیک نینگ ایتیشیچه، بو تومن گه هوایی کوچ یوباریلمهگن صورتده، طالبان گروهی نینگ قمراویده قالگن حربی عسکرلر هلاک ایتیلهدی.
شونینگدیک، بالامرغاب تومنی یشاوچیلریدن بیرقطاری، مذکور تومن وضعیتی دن خواطر بیلدیریب ایتیشیچه، خوفسیزلیک مسؤوللری تیزلیککه بو توغریده چاره تدبیر کورمهگن صورتده، بالامرغاب طالبان گروهی نینگ قولی گه سقوط قیلهدی.
شوتوغریده..
بادغیس ده طالبان هجومی نتیجهسیده 17 حربی عسکر هلاک ایتیلگن
.jpg)
طالبان گروهی تامانیدن بالامرغاب اوستیگه هجوم اویوشتیریلگنینی تصدیقلگن بادغیس حاکمی سوزلاوچیسی جمشید شهابی نینگ ایتیشیچه، طالبان گروهی مذکور تومن نی نظارت گه آلیش اوچون سعی و حرکت قیلهدی؛ بیراق حربی کوچلر مقاومت قیلهدیلر. بادغیس حاکمی سوزلاوچیسی گه کوره، بو آتیشمهده ایکی تامان هم قربانلیک بیرگن؛ بیراق دقیق رقمی حاضرچه معلوم ایمس دیر.
جناب شهابی نینگ ایتیشیچه، طالبان گروهی قوشنی ولایتلر اینیقسه فاریاب ولایتی نینگ غورماچ تومنیدن کیلیب بالامرغاب بازارینی اطرافی و قیشلاقلریده جایلشگن و امنیتی کوچلرگه قرشی اوروشهدیلر.
بادغیس حاکمی سوزلاوچیسی نینگ کوپهیتیریشیچه، بالامرغاب تومنیده کماندولر شامل کوپینچه خوفسیزلیک کوچلری حاضر دیر و تیزلیککه هوایی کوچلر هم یوباریلهدی.
عین حالده، طالبان گروهی سوزلاوچیلریدن بیری قاری یوسف احمدی نینگ ایتیشیچه، بالامرغاب تومنیده مذکور گروه تامانیدن اویوشتیریلگن هجوم نتیجهسیده، حاضرگهقدر حربی عسکرلردن 12 تهسی هلاک و باشقه 20 تهسی توتقونگه آلینگن و شونینگدیک، 5 پوسته حربی جهازلری بیلن مذکور گروه نینگ قولی گه توشگن.
