8- مارچ عیاللر خلق ارا کونی مملکتده اوتگن ییللردن کوره خاتین قیزلر وضعیتی یامان بولگن بیر چاغده نشانلنماقده. خاتین قیزلرگه ضد یوز بیره دیگن زوروانلیکلر هر ییلگه کوره اخیرگی بیر ییلده آشگنلیگی ایتیلهدی.
بوتوغریده عیاللر وزیرلیگی پلان ادارهسینینگ باشلیغی رحیمه ظریفینینگ سلام وطندارگه ایتیشیچه، بو ییل عیاللرگه قرشی 4000 مینگ واقعه یوز بیرگنلیگی رویخطگه آلینگن. بو ایسه اوتگن ییللرگه کوره زوروانلیک حاللری کوپیگنی کورینهدی.
خانیم ظریفینینگ ایتیشیچه، 98 فایز زوروانلیک رویخطگه آلینگن. بو واقعهلر کلتکلش، بلاغتگه ییتمگهدن آلدین تورموشگه چیقاریش، اولدیریش، تجاوز و اویدن قاچیشدن عبارت دیر.
شونینگدیک خانیم ظریفی خاتین قیزلر تحصیلی بارهسیده هم خواطر بیلدیریب، کوپینچه ولایتلر و ولسواللیکلرده خانهدانلر اوز قیزلرینی تحصیل آلیشگه رخصت بیرمسلیکلرینی ایتگن.
شونینگدیک خانیم ظریفی، عیاللرگه قرشی زوروانلیککه مبارزه قیلیش برچه نینگ مسوولیتی دیگن. اونگه کوره، بو فقط دولت مسوولیتی ایمس. افغانستان دولتی اساسی قانونگه موافق فسادگه قرشی کورهشیش و امنیت تامین ایتیلیشی اوچون اهالیگه یاردم قیلهدی.
عیال و ایرکینلیک نامیدهگی تشکیلاتنینگ باشلیغی مهناز صادقی سوزلریگه کوره، سونگی بیر نیچه ییل آقیمیده زوروانلیک واقعهلری آشگن. خانیم صافینینگ خاتین قیزلر خیابانلرده اذیت ایتیلیشلری بارهسیده اشاره قیلیشیچه، اوچ ییلدن بویان مملکت نینگ ایریم ولایتلری خیابانلری قوشیمچه کابل خیابانلریده خاتین قیزلر اذیت قیلینیشلری اجتماعی بیر بحرانگه ایلنگن.
خانیم صافینینگ سلام وطندار بیلن بولگن صحبتیده بیلدیریشیچه، افغانستانده عیاللرگه قرشی زوروانلیکلر قیسقه مدتلی سیمینارلر و پروژهلر بیلن عملگه آشیریش ممکن ایمس.
مذکور فعال عیال، هنوزگچه هم افغانستان دولتی عیاللر ساحهسیده عملگه آشیرگن ایشلری دییرلی نتیجه بیرمهگن.
خاتین قیزلر فعاللریدن باشقه بیری تورپیکی نوابینینگ سلام وطندارگه ایتیشیچه، سونگی بیر نیچه آیده زوروانلیک حادثهلری کوتیلمهگن درجه ده آشگن. مساله اوچون دولت هیچ قندهی جدی تدبیر کورمهگن. نیچه کنفرانس و سیمینارلر اوتکزیش بیلن بوندهی ییریک اجتماعی قیینچیلیککه پایان بیریشی ممکن ایمس.
عیاللرنی سیاست و اجتماعدهگی سیزیلرلی درجه بولگن حضوری بوگونکی کونده رواجلنگن بیر مملکتدن درک بیرهدی. لیکن، افغانستانده عیاللر هر دایم سنتی همده عایلهوی مسالهلر سبب دییرلی فعالیت قیلیشگه موفق بولهآلمیدیلر.
