غزنی پولیس قومندانینینگ ایتیشیچه، مذکور ولایت کینگشی باشلیغینینگ اوندن ناقانونی ایستکلری بار ایکن و ایستکلریگه دقت قیلمهگنی باعث، اونینگ قماقخانهسی اوستیگه طالبلرنی هجومی توغریسیده دقتسیزلیککه عیبلگن.
غزنی پولیس قومندانی محمد حکیم انگار، (دوشنبه کون) غزنیده اوتکزیلگن بیر خبری ییغینده ایتیشیچه، ولایت کینگشی باشلیغی نیچه مرته ایناغهسینینگ جنایی مدیر یا مذکور ولایت اندر تومنی پولیس قومندانی قیلب تعیینلشینی سورهگن، هر هفتهده 100 الی 150 لیتر تیل موترلریگه صرفلهیدی و شونینگدیک قرینداشلریدن بیرینینگ خواجه عمری تومنی پولیس قومندانی قیلیب تعیینلشنی ایستهگن.
غزنی ولایت کینگشی باشلیغی، مذکور ولایت قماقخانهسی اوستیگه طالبلرنینگ هجومیدن بیرکون کیین ایتیشیچه، کشفی کوچلر قماقخانه اوستیگه طالبلرنینگ هجومی توغریسیده پولیس قومندانلیگینی آگاهلنتیرگن بیراق پولیس قومندانی بونگه دقت قیلمهگن.
بیراق، غزنی پولیس قومندانینینگ ایتیشیچه، طالبلرنینگ هجومی توغریسیده خبرسیز ایکن و اوشبو واقعه توغریسیده یوباریلگن هیأت حقیقتنی بیللی قیلهدی.
شوندهی حالده، غزنی ولایتی کینگشی باشلیغی خالقداد اکبری، دوشنبه کون اوتکزگن خبری ییغینده، پولیس قومندانیدن شخصی ایستهگی بولمهگنینی ایتیب و جناب انگار بیاناتلرینی اساسی یوق دیگن.
اونینگ اورغولشیچه، غزنی پولیس قومندانینینگ دقتسیزلیگی باعث، طالبلر ولایت قماقخانه توغریسیدهگی ریجهسینی عملگه آشیرگن.
جناب اکبرینینگ ادعا قیلیشیچه، غزنی تورمهسی اوستیگه طالبلرنینگ هجومی خصوصیده یوباریلگن هیأت، ولایت پولیس قومندانینینگ منفعتیگه قضیهنی تیکشیرهدی.
اونینگ ایتیشیچه، نیچه مرته ولایت پولیس قومندانی تامانیدن تهدید بولگن، بیراق خلق ایستهگی اساس، هیچ قچان تینچ تورمهگن.
عین حالده، غزنی ولایت کینگشی امنیتی کمیسیون عضوی امانالله کامرانی، پولیس قومندانینینگ ادعالرینی شخصی عقده دیب بیلهدی.
اوتگن یکشنبه کیچه طالبلر تامانیدن غزنی مرکزی تورمه سیدهگی زندانیلردن 355 کیشی اوشبو گروه آرقهلی قاچیریلگن. مذکور هجوم اوتگن کیچه ساعت 11 طالبلرگه باغلیق 6 کیشی حربی کییم و موتر بیلن قماقخانهده کیریب باریشلری بیلن بولگن.
اولر امنیتی کوچلرگه قرشی قیسقه اوروش اوتکزیب، برچه توسیقلردن اوتیب، تورمه دهگی زندانیلرنی توتقونگه آلگنلر. اوندن کیین، طالبلر زندانیلردن تورمهنی ترک ییتیب، اولر بیلن بیرگه کیتیشنی ایستهگنلر.
طالبلر حادثهنی تأیید قیلیب ایتیشلریچه، هجوم نتیجهسیده 355 کیشی زندان بولگن طالبنی آلیب چیقگنلر. اما غزنی ولایت رسمیلری تورمهدن قاچگن اوشبو زندانیلرنی سلاموطندار بیلن اوتکزگن صحبتیده رد قیلمهی، بیراق طالبلردن 152 کیشی زنداندن قاچگنلیکلرینی ایتهدی.
