بغلان یشاوچیلریدن بیرقطاری نینگ بو وضعیتدن خواطر بیلدریب ایتیشیچه، بغلان اوروشینی تیکشیریش و مدیریت قیلیش اوچون حاضرگهقدر هیچبیر امنیتی مقام بو ولایتکه سفر قیلمهگن.
اوروش نینگ دوام تاپگنی تینچ اهالی اینقسه عیاللر و بالهلرگه کوپینچه تلفات ییتیشتیرگن.
بغلان یشاوچیلریدن بولمیش عبدالرحمان نینگ ایتیشیچه، اوتگن کونی اویگه بیر راکت اوقی توشگنی سبب، 9 و 12 یاشر ایکی بالهسی ناگران بولگن.
بغلان ولایتی بوییچه ساغلیقنی سقلش ریاستی باشلیغی محبالله محب نینگ سلاموطندارگه ایتیشیچه، حاضرگهقدر تینچ اهالی و حربیلر شامل 43 جسد و 102 یرهدار بغلان ولایتی کیسلخانهسیگه انتقال بیریلگن.
217 پامیر قول اردو قومندانلیگی 3- لوا قومندانی عباس توکلی نینگ ایتیشیچه، تینچ اهالی تلفاتیگه توسیق بولیش اوچون سعی و حرکت قیلهدیلر؛ بیراق طالبان گروهینی نابود قیلیش اوچون حربی عملیاتنی دوامی بار.
عینحالده، بغلان یشاوچیلری نینگ ایتیشیچه، امنیتی کوچلر آرهسیده هماهنگلیک و یخشی مدیریت بولمهگنی سبب، پلخمری شهریده بولگن اوروش دوام تارتگن و اولر حکومتدن بو ولایت امنیتینی تامینلش اوچون سعی و حرکت قیلیشینی سورهگنلر.
