کنر ولایتیدن نمایندهلرکینگشیده نامزد بولگن عطاءالله ساپینینگ سلاموطندارگه ایتیشیچه، اونینگ کمپاینی بیلن مصروف بولگن اقاربلریدن 3 تهسی اوتکن کیچه امنیتی کوچلر تامانیدن اوق آستیگه قرار بیریلگن.
ساپینینگ ایتیشیچه، مذکور امنیتی کوچلر دولتی نهادلردن بیریگه تیگیشلی ایکن؛ بیراق اونینگ اویگه هجوم قیلمهسدن آلدین باشقه بیر اویگه هجوم قیلگن ایکنلر.
اوشبو واقعه کنر ولایتی نرنگ تومنینینگ شرلو منطقهسیده یوز بیرگن. محل یشاوچیلریدن بیرینینگ کیملیگی سیر قالیشنی ایستهب ایتیشیچه، خاص کوچلر ثمرگل آتلی بیر کیشینینگ اویگه هجوم قیلیب ایکی کیشینی قولگه آلگنلر. مذکور کیشیلر قولگه آلینگندن سونگ اوچ قوروقچی و امنیتی کوچلر آرهسیده آتیشمه یوز بیریب نتیجهده اوشبو اوچ کیشی هلاک ایتیلگن.
کنر ولایتی کینگش اعضاسی محمد ساپینینگ سلاموطندارگه ایتیشیچه، چیتایللیک و دولتی کوچلر بیرعملیات آرقهلی نماینده کینگشی نامزدلریدن بیرینینگ اوچ قورقچیسینی اولدیریب و باشقه ایکی قورقچیسینی اوز لری بیلن آلیب کیتگن.
امنیتی رسمیلر حاضرگهقدر بو توعریده صحبت قیلمهگن.
