عیاللر وزیرلیگی بوگون یکشنبه آنهلر خلق ارا کونینی کابلده نشانلهدی. هر ییل آنهلر خلق ارا کونینی عیاللر وزیرلیگی شامل باشقه ادارهلرده نشانلهدی.
عیاللر وزیرلیگی، آنهلر خلق ارا کونینی نشانلشدن تشقری تینچ لیک لایحهسی توغریسیده عیاللر نقشی اوچون اوچ کونلیک اولتیریش یولگه قوییلگنلیگینی ایتگن.
عیاللر وزیری دلبر نظرینینگ بوگون ییغینده ایتیشیچه، سیاسی، اقتصادی و اجتماعی بولیملرگه عیاللر فعال قتنشمسه جامعه یوکسلمهیدی.
او، تینچ لیک لایحهسیده عیاللر نقشی اوستیگه تاکیدلب، عیاللرگه تینچ لیک مذاکرهگه فعال صورتده حصه بیریلیشی بارهسیده تاکیدلهگن.
خانم نظری نینگ کوپیتیریشیچه، ملی لایحهلر و ادارهلرگه عیاللر اوچون ییترلی درجهده سهم بیریلگن حالده، افغانستان ییریک نفوسینی تشکیل بیرهدیگن عیال قتلمی ایشانچی جلب ایتیلهدی.
اولتیریشده عیاللر تامانیدن حکومت رسمیلری تنقید اسیتگه آلینگنلر.
افغانستان عیاللر اجتماعسی باشلیغی همده حقوق فعالی فتانه گیلانی، تینچ لیک لایحهسیگه حکومتنینگ ایشلرینی تنقید قیلیب ایتیشیچه، حاضرگه قدر تینچ لیک مذاکرهلر توغریسیده حکومت تامانیدن هیچ بیر ایجابی ایش عملگه آشیریلمهگن.
خانم گیلانی نینگ ایتیشیچه، ملی بیرلیک حکومتی نینگ رهبرلری، سیلاولر کمیپاینی جریانیده برقرارلیکنی تامینلش اوچون خلق گه بیرگن سوزلرینی هنوزگچه عملگه آشیرمهگن.
عین حالده، اونینگ کوپیتیریشیچه، تینچ لیک مذاکره لرنیگ رسمی و نا رسمی اولتیریشلریده عیاللر اشتراک قیلیشی بارهسیده تاکیدلیدی
ایکی هفته آلدین اون عیال جملهدن شکریه بارکزی، فوزیه کوفی و حوا علم نورستان ناروی ده طالبلرنینگ نمایندهلری بیلن نارسمی صورتده تینچ لیک توغریسیده مذاکره قیلگنلر.
تینچلیک عالی کینگشی نینگ کاتبینی اورین باسری شیلا صمیمی نینگ ییغینده ایتیشیچه، تینچلیککه ییتیشیش اوچون عملی ایشلر بولگن و طالبلر بیلن اوتکزیله دیگن رسمی مذاکره باشلهنیشی یقینلشگن.
او، تینچلیک مذاکرده عیاللر حضوری نی تاثیرچین بیلیب ایتیشیچه، تینچلیک عالی کینگشی، تینچلیک لایحهسیگه عیاللر حضوری اوچون زمینه یرهتهدی.
ایکی هفته آلدین ناروی اولتیریشیده بیرقطار عیاللرنینگ حضوری ایریم تنقیدلرگه دوچ کیلدی. عیاللر حقوقی توغریسیدهگی فعال اداره، بو سوزلشوولرگه هر تمانلمه نمایندهلرنی اشتراک ایتیشی کیرهک ایدی دیگن.
