بغلان ولایتی تاله و برفک تومنینینگ ولسوالی فیضمحمد امیری تیلفون آرقهلی سلاموطندار بیلن اوتکزگن صحبتیده، ملافیضالله ناملی شخص اوتگن کیچه تاله و برفک ولسواللیگینینگ انگار قیشلاغیده یاش تورموش اورتاغینی شفقتسیز اولدیرگنلیگی بارهسیده خبر بیرگن. او، اوشبو حادثه عایلهوی قیینچیلیک سبب یوز بیرگن بولیشی ممکن دیگن.
جناب امیری، ملافیضالله بوندن تورت ییل آلدین مذکور خانم بیلن تخار ولایتیده اویلنگن لیگینی اظهار قیلگن. ایتیلیشیچه، مذکور ایر و خاتیننینگ نیچه فرزندی بولگن.
واقعه قوراللی طالبلر نظارتی آستیده بولگن منطقهده یوز بیرگن. بوندن نیچه کون آلدین هم اون ییتی یاشلی بیر خاتین هم مرکزی بغلان ولسواللیگیده تورموش اورتاغی آرقهلی باشی کیسیلیب اولدیریلگن ایدی.
عین حالده، بیر قیز و بلاغتگه ییتگن بیر ایرکک باله ناقانونی جنسی علاقهده بولگنلیکده عیبلهنیب غور ولایتی دستلبکی محکمهسی قراری اساسیده یوز- یوز شلاق اوریلگن. اوشبو ایکّی یاش عامه خلق حضوریده شلاقلنگن. محل مسجدی امامی آرقهلی دُره اوریلگن بو ایکی یاش خانه دانیگه تاپشیریلگن.
