.jpg)
غور ولایتینینگ نمایندهلری، مدنی فعاللر و مذکور ولایتده داعش تامانیدن اولدیریگن 30 تینچ اهالی عایله اعضاسینینگ آگاهلنتیریب، حادثه عامللری جزالنمهگن صورتده، حکومتدن علاقهلرنی اوزهمیز دیگنلر.
اوتگن کون داعش جنگریلری غور مرکزی فیرزوکوه شهری نینگ 15 کیلومترلیگیده 30 کیشی تینچ اهالینی اولدیریب و باشقه 11 تهسینی یرهلنتیردی. اولدیریلگنلر جنازهسی پنجشنبه کونی فیروز کوه شهری نینگ یوزلرچه اهالیسی حضوریده توپراققه تاپشیریلدی.
قطار مدنی فعاللر و غور ولایتی نینگ ملی کینگشدهگی نمایندهلری کابلده خبری انجمن آلیب ایتشلریچه، تینچ اهالی جانی داعش جنگریلری تهدیده بولگنلیگینی بیلیب، قمراوده قالگنلرنی قوتقریش اوچون امنیتی کوچلر هیچ بیر ایش قیلمهگنلر.
غور یشاوچیسی و مدنی فعال احمد سعیدی نینگ حکومتنی آگاهلنتیریب ایتشیچه، ولایت یشاوچیلری نینگ امنیتیگه و حادثهده قربان بولگنلر عایله اعضاسی امنیتی تأمین ایتیلیشیگه توجه قیلمهگن صورتده، غور ولایتینینگ پارلماندهگی نمایندهلری ایش تشلب اوزلری ولایت امنیتینی تأمین ایتیشگه چیقهدیلر.
حادثهده قربان بولگنلر اوچون دادخوالیک قیلیب پایتختگه کیلگن غور یشاوچیلریدن عبدالقدیر مبارزنینگ ایتیشیچه، جنگریلر غور ولایتیده اهالیدن باج آلهدی.
شونینگدیک، قربان بیرگن خانهدانلر، جنازهلرینی توپراققه تاپشیریشلری بیلن حکومتدن حادثه عامللرینی جزالریگه ییتکیزسین و داعش و طالب جنگریلری نینگ محلده نفوذلنشیب فعالیت قیلیشیگه اجازه بیرمسلیگینی طلب قیلدیلر.
غور حادثهسیده قربان بولگنلر جسدی فیروزکوه شهری نینگ کاسی منطقهسی، شاه یول چیکهسیده توپراققه تاپشیریلدی. قربان بولگنلر عایلهسی، جسدلرنی یول چیکهسیده کومیشدن هدف حکومت رسمیلری هرکون اوتیش – قیتیشده قربان بولگنلر قبرینی کوریب نفرت آلسینلر و اشتباهلرینی درک قیلیب، کیلهجکده اهالی مالی و جانیگه کوپراق توجه قیلیشلرینی طلب قیلهدیلر.
