افغانستان جنوبیده جایلشگن قندهار ولایتیده پولیس نینگ ایکی عسکری ییتی کیشی همکارینی اولدیرگن. ولایت خوف سیزلیک اداره لری نینگ مسوولریگه کوره، حادثه اوتگن کیچه میوند ولسوالیگیده روی بیرگن. گزارش لرده ایتیلیشیچه، هجومده پولیس نینگ بیر قوماندانی هم هلاک بولگن. هنوزگچه هم هجوم ایوشتیرگن پولیس نینگ کیملیگی انیق لنمهگن. اما، دولت محلی مسووللری واقعه تیکشیریلیشی اوچون منطقه گه هیات جونه تیلگن لیگینی ایتگنلر.
بو کبی هجوم مسوولیت لرینی دایم اوز بوینیگه آلهدیگن قوراللی طالبلر تامانی مذکور هجوم، اوتگن کیچه اوشبو گروه آرقهلی عملگه آشیریلگن لیگینی ایتگن. ملی کوچلر کییمیدن فایده لهنیب هجوم ایلتیش قوراللی طالب، ملی کوچلر ایچیگه نفوذ قیلگن لیگیدن کیلیب چیقیشی هردایم تیلگه آلینهدی. بو مساله هردایم افغانستان ملی کوچلری و مملکتده ییرلشگن ناتو کوچلری نینگ اساسی تشویشلریدن بیر.
حربی تحلیلچی جاوید کوهستانی، افغان همده چیت ایللیک حربیلرنینگ بو ساحهدن بولگن خواطرلرینی تصدیقلب ایتیشیچه، هنوز هم اوشبو مساله حللی اوچون دییرلی چاره تدبیر کوریلمهگن. جناب کوهستانیگه کوره، مذکور موضوع اوچون دولت آرقلی جدی اعتبار قره تیلمهگن حالده، حاضرهم ملی کوچلر کییمیدن فایده لهنیب هجوم عملگه آشیریش دوام ایتهدی.
ملی کوچلر کییمیدن فایده لهنیب هجوم قیلیش انده – سنده کوتیلمه گن درجهده آشهدی. ایتیلیشیچه، بو مساله افغانستان ملی کوچلرینی حربی ساحهده تیارگرلیکدن اوتکزه دیگن تشقی متخصصلر اوچون هم جدی بیرتهد. جناب کوهستانیگه کوره، امنیتی ادارهلر حاضرگه قدر هم بو قیینچیلیک بر طرف ایتیلیشی اوچون موفق بولمه گنلیک لرینی ایتگن.
ملی پولیس کییمیدن فایده لهنیب، افغانستانده هنوزگه قدر، اونلب تشقی کوچلر قوشیمچه – افغان ملی کوچلری هجوم آستیگه آلیبنیب هلاک ایتیلگن. بوندن نیچه کون آلدین بیر هجومچی کابل خلق ارا هوا میداینده اوچ امریکالیکنی آتیب اولدیرگن ایدی.
