کابل و اسلامآباد رسمیلرینینگ تورتینچی ییغینیده افغانستان و پاکستاننینگ تینچلیک لایحهسی یکونلندی.
سلاموطندارگه صحبت بیرگن تشقی ایشلر وزیرلیگی سوزلاوچیسی شکیت مستغنینینگ ایتیشیچه، اوشبو لایحه ایکی مملکتنینگ خوفسیزلیک قیینچیلیکلری حل ایتیلیشی، ترورچیلیککه قرشی قوشمه کورهش، زورهوانلیکلر کمهییشی و ایکی مملکت علاقهسی رواجلنیشیدن عبارت بولگن.
تشقی ایشلر وزیرلیگی سوزلاوچیسیگه کوره، افغانستان و پاکستان رسمیلرینینگ تورتینچی قوشمه ییغینیده، ایکی مملکت تینچلیک لایحهسی نظارت قیلینیب و عملگه آشیریلیشی اوستیگه تأکید قیلگنلر.
عین حالده، ایش بیلرمانلرنینگ ایشانچی گه کوره، پاکستان اوشبو فرصتدن فایدهلنیب منفعت ایزلهیدی.
سیاسی ایش بیلرمان محبالله شریف نینگ ایتیشیچه، پاکستان تامانیدن تینچلیک لایحهسی یکونلنتیریلیشی الداوچیلیکدن باشقه نرسه ایمس و بو مملکت اوشبو فرصتدن فایدهلنیب دنیاجماعهچیلیگی باسقینلرینی کمهیتیریش اوچون سعی و حرکت قیلهدی.
بیراق، ایش بیلرمانلردن باشقه بیری فیضمحمد زلاندنینگ ایتیشیچه، تینچلیک عملی لایحهسی امریکانینگ واسطهچیلیگی آرقهلی یولگه قوییلگن و بو برنامهده افغانستاندن کوره پاکستاننینگ منفعتی کوپراق دیر.
تینچلیک عملی لایحهسی پاکستان باش وزیری افغانستان گه سفر قیلیب و حکومت رسمیلری بیلن اوچرهشگن چاغیده بیان ایتیلگن و اوندن سونگ، ایکی مملکت رسمیلری باشقه اوچ قوشمه ییغین یولگه قویدیلر.
