.jpg)
جوزجان ولایت کینگشی اعضالریدن بیرقطاری، قوش‌تپه سقوطی‌ده امنیتی کوچلرنینگ قربانلری کوپه‌یگنیدن خبر بیرگن.
جوزجان ولایت کینگشی اعضاسی حفیظ‌الله ندرت نینگ ایتیشیچه، مذکور تومن اوستیگه طالبان گروهی تامانیدن اویوشتیریلگن هجوم‌ده 17 حربی عسکر هلاک ایتیلگن، 45 عسکر یره‌لنگن و باشقه 80 عسکر مذکور گروه تامانیدن اسیر آلینگن. جوزجان ولایتی نینگ قوش‌تپه تومنی دوشنبه کیچه طالبان گروهی نینگ قولی گه سقوط قیلدی.
اوتگن کون قوش‌تپه تومنی نینگ سرپرستی بای‌مراد، امنیتی کوچلردن 5 ته‌سی هلاک ایتیلگنی و باشقه 125 ته‌سی درک‌سیز یوقالگنیدن خبر بیرگن ایدی.
جوزجان ولایت کینگشی اوشبو اعضاسی نینگ سلام‌وطندارگه ایتیشیچه، طالبان گروهی قوش‌تپه تومنی نی نظارت گه آلگنیدن سونگ، اولتیریش اویلردن بیرقطارینی اوت بیرگن و حاضر مذکور تومن نینگ تورت قیشلاغیدن کمیده 1300 عایله درزاب تومنی و شبرغان شهری نینگ ایریم منطقه‌لریگه آواره بولگن‌لر.
اونگه کوره، اوشبو آواره‌لر دشت‌لرده امکانیت‌سیز حیات کیچیره‌دیلر.
شونینگدیک، جوزجان یشاوچیلریدن بیرقطاری، درزاب تومنی سقوط قیلیشی توغریسیده آگاه‌لنتیریب ایتیشیچه، طالبان گروهی دولت گه تیگیشلی کیشی‌لرنینگ اویلری شامل مذکور تومن نی ایریم قسمت‌لریده ماین ییرلشتیرگن.
اولر حکومت دن قوش‌تپه تومنی نینگ محلی رسمی‌لری و خوفسیزلیک مسؤوللرینی تیرگاوگه آلیشینی سوره‌گن.
جوزجان خوفسیزلیک مسؤوللری بو موضوع توغریسیده جواب بیریش گه حاضر بولمه‌گن‌لر، بیراق مذکور ولایت حاکمی مولوی لطف‌الله عزیزی، قوش‌تپه تومنی قیتریب آلینیشی خصوصیده امنیتی کوچلر تیارگرلیک آلگنیدن خبر بیرگن.
شو توغریده…
