قورالی طالبلر رهبری ملا عمر، روزه بیرهم هییتی ییتیب کیلیشی مباسبتیده بیر پیام آرقهلی مذکور گروهنینگ چیت ایلیک کوچلر افغانستاندن چیقمه گونگه قدر اوروشنی دوام بیریشیگه تاکیدلب، اسلام دینیگه اساسن؛ دشمن بیلن تینچلیک توغریسیده سوزلشیش اوچون هیچ بیر توسیق یوق دیگن.
شونینگدیک ملاعمر، مذکور گروهنینگ قطردهگی سیاسی دفتریگه اشاره قیلیب، سیاسی فعالیتلر و تینچلیک توغریسیده ییچیم یول تاپیشنی بو گروهنینگ قانونی حقی بیلیب و برچه یوللردن سیاسی و تینچلیک هدفلریگه ایریشیش اوچون ایش آلهدیلر.
طالبلرنینگ ویب سایتیدن نشر ایتیلگن اعلامیه گه کوره، مذکور گروهنینگ جنگریلری اوروش و پارتلش هجوملرگه تینچ اهالی جانینینگ سقلش توغریسیده اشاره قیلهدی. او، جنگریلرنی آگاهلنتیریب، تینچ اهالینینگ جانینی سقلش توغریسیده دقت قیلمسه اولرنینگ چیتلنتیرهدی.
بو بیرینچی مرته قورالی طالبلر رهبری، تینچلیک سوزلشوولرنی ایجابی بیلیب و شونینگدیک تینچ اهالی اولیمی آلدی آلینیش باشقریلیشیگه تاکید قیلگن.
دیمک ملا عمر پیامینینگ باشیده افغانستان دهگی چیت ایللیک کوچلر و دولتگه قرشی اوروش دوام ایتیشیگه تاکید قیلگن، بیراق تینچلیک سوزلشوولری توغریسیده دقت بیلن حرکت قیلیشنی ایتکن.
کورینیشیچه، قورالی طالبلر رهبرینینگ تینچلیک توغریسیدهگی سوزلری، اوتکن هفته اسلامآباد ده افغانستان نمایندهلری و مذکور گروه نمایندهلری نینگ اورتهسیده اوتکزیلگن رسمی سوزلشوولر توغریسیده ایتیلگن. سونگی گزارشلرگه کوره، قورالی طالبلر باشلیغلری اورتهسیده تینچلیک سوزلشوولری توغریسیده قرشی فکرلر موجود.
افغانستان حکومت رسمیلری، طالبلرنینگ نمایندهلری بیلن بولگن سونگی سوزلشوولرنی خوش قرشیلب و اونی افغانستان و منطقهده تینچلیک تامین لنیشی توغریسیده ایجابی حرکت دیگنلر.
شونینگدیک ملا عمر بو پیامده افغانستان قوملری اورتهسیده بیرلیک بولیشی توغریسیده سوز یوریتیب و ادعا قیلیشیچه، بو گروه برچه قوملرنینگ قانونی حقیگه حرمت قایل بولهدی.
انه شوندهی طالبلر رهبرینینگ ایتیشیچه، بو گروه مملکت حاکمیتینینگ قولگه کیریتکن صورتده، افغانستان برچه خلقی قانونی حقلریگه ییتیشهدی.
طالبلر رهبری، مذکور گروهنینگ قوشنی مملکتلر ایران و پاکستاننی استخباراتی بیلن بولگن علاقهسینی رد قیلگن، بیراق ایتیشیچه، بوگروه قوشنی مملکتلر بیلن یخشی علاقهده بولیشنی ایستهیدی و مذکور گروهنینگ برنامه لریدن بولگن.
شونینگدیک ملاعمر مذکور گروه تامانیدن حاضرگی بیلیمگه قرشی ستیزهلیکلرنی «تهمت» بیلهدی و طالبلر اسلام شریعتی و فقهی بویروغلریگه تهیهنیب ینگی بیلیملرگه تأکید قیلهدیلر دیگن.
سوزلهشیشلر ایکینچی دوری کیلهسی 15 کونگچه
ینه بیرتاماندن اولکه جمهور رییسی محمداشرف غنی تینچلیک سوزلهشیشلر ایکینچی دوری کیلهسی 15 کونگچه باشلنهدی و انیق بیرچارچوبه بیلن آلغه آلیب باریلهدی دیگن.
چهارشنبه کونی جناب غنی خوست ولایتیده سونگی خودکش هجومده قربان بولگنلر عایلهسی بیلن قیغوداشلیک قیلیش اوچون بولایتگه سفر قیلگن ایدی، طالبلر بیلن ایکینچی دور سوزلهشیشلرده دایمی تینچلیک کیلتیریش اوچون بیر لایحه قولگه آلیشلرینی بیلدیردی.
اوتگن هفته پنجشنبه کونی خوست ولایتیده تشقی حربیلر مرکزی یقینیده اویوشتیریلگن خودکش هجومده 27 تینچ اهالی و 6 امنیتی کیشی هلاک بولگن ایدی.
اوتگن هفتهگی طالبلربیلن اوتکزیلگن تینچلیک سوزلهشیشلر، جناب غنی گه کوره، یوتوقلربیلن بولگن. او شونینگدیک پاکستاندن اعلام بولمهگن اوروشینی 14 ییل افغانستانده دوام بیرگنلیگی بارهسیده بو اولکهنی تنقیدلب، ایندی بو اوروشگه نقطه قویهمیز دیگن.
جمهور رییس خوست یشاوچیلریدن اولکهده تینچلیک و ثبات تأمین ایتیلیشی بارهسیده، حکومت بیلن یاردم بیریشلرینی سورهدی.
انه شوحالده خوست یاش اولوغلری و سونگی حادثهده قربان بولگنلر عایلهسی جمهور رییسنی تنقید قیلیب ایتیشلریچه، او ناتینچلیکلر آلدینی آلیش اوچون قیسی یوتوق قولگه کیرتالمهگن.
