دهلی « ایکانومیک تایمز» کوندهلیگینینگ دولت بلند مرتبهلی رسمیلریدن نقل قیلیب یازیشیچه، جمهور رییس غنینینگ هندگه قیلگن سفریده، ایکی اولکه استخباراتی یاردملیک قیلیش کیلیشیگیگه قول قویهدی.
جمهور رییس غنی 7- ثور کیش قورونده بیر بلند مرتبه هیأت باشلی بولیب، 3 کونلیک سفرده هند باردی.
ایتیلیشیچه، مذکور سفرده ایکی اولکه ارا اقتصادی، سیاسی و امنیتی مسالهلر اوچون سوزلهشیش کوتیلگن.
شونینگدیک کوندهلیک یازیشیچه، مذکور کیلیشیکگه قول قویلیشدن پاکستاننی خفه بولیشی ممکن، نیگه کی اوتمیش 15 ییلده هند و افغانستان ارا بولگن کیلیشیکلرده قرشیلیک کورسهتیب کیلگن.
استخباراتی یاردملیک کیلیشیگیگه جرملر قیدیریش و تیکشیریش، قضایی حجتلر اطلاعاتی مسالهلری و توتیش خدماتیگه سهولت کیلتیریش مسالهلری کیریشهدی.
سیاسی ایش بیلرمانلردن کوپیسی مذکور کیلیشیکنی افغانستان نفعگه بیلهدیلر و اونده قول قویلیش ایکی اولکه رابطهلرینی محکم بولیشیگه سبب بولهدی دیدیلر.
سیاسی ایش بیلرمانلردن جاوید کوهستانیگه کوره، مذکور کیلیشیکگه قول قوییش، اولکه نفعیگه، اما اوشبو کیلیشیک اوچون افغانستان اورنی کوچلی راق بولسه.
جناب کوهستانینینگ کوپهیتیریشیچه، هند اولکهسی بیلن استخباراتی کیلیشیک، افغانستانده تروریزمگه قرشی کوره شیش توغری سیده کومک قیلهدی.
افغانستان کوپلب اولکهلر بیلن ایریم بولیملرده کیلیشیک امضا قیلگن؛ اما بو بیرینچی مرته دیر منطقه قدرتلی اولکه لریدن بیری بیلن استخباراتی کیلیشیکگه قول قویهدی.
شونینگدیک جناب کوهستانیگه کوره، افغانستاننی باشقه اولکهلر اوچون قولده کیریتگن اطلاعاتی هند اختیاریگه بیریلگن صورتده، مذکور کیلیشیک قوشنی اولکهلر خواطری بیلن بولیشی ممکن.
ایش بیلرمانلردن کوپیسی، باید هند اولکهسی افغانستاننی استخباراتی مسالهلر اوچون یخشی اطلاعات بیریشی بیلن اولویتگه آلیشی کیرهک دیگنلر.
افغانستاننی پاکستاندهگی آلدینگی دیپلوماتی احمد سعیدینینگ ایتیشیچه، باید مذکور کیلیشیک کابل و اسلامآباد رابطهلریگه منفی تآثیر تشله مسین. اونینگ کوپهیتیریشیچه، افغانستان و هند رابطهلری اورتهلیک شکلیده اسرهتیلیشی کیرهک تا پاکستان هم خواطرلردن اوزاغ قالسه.
اوشبو سفرده افغانستان بلند مرتبهلی هیأتی هند جمهور رییسی پر اتاب موکرجی، باش وزیری نارندرا مودی، کانگرس باشلیغی خانم سونیاگاندی، هند تشقی ایشلر وزیرلیگی، ایچکی، سوداگرلیک و صنایع وزیرلیگی بیلن اوچرهشیشی کوتیلگن.
موندن آلدین هم هند باش وزیری نرندرا مودی آسیا جنوبی اولکهلرینینگ منطقهیی یاردملیک اتحادیهسی(سارک) نینگ اولتیریشیده جمهور رییس غنیگه اولکهسی افغانستاننی ایریم بولیملرگه یاردم بیریشهدی دیگن ایدی.
