قندوز پولیس مسئوللری بو ولایتده بیر عیال پولیس طالبان آرقهلی اولدیریلگنیدن خبر بیریشگن. قندوز پولیسی سوزلاوچیسی هجرتالله اکبری نینگ سلاموطندارگه ایتیشیچه، طالبان مذکور صالحه ناملی عیال پولیس نی فریب و یلغان بیلن قندوز شهری نینگ مرکزیدن بو شهر نینگ «شورهخاک» ناملی بیر منطقهسیده آلیب کیتیب و کیین ایسه اونینگ اولدیرگن.
بو حادثه اوتگن کون (سهشنبه ۱۱- سنبله) شام چاغی بو منطقهده یوزبیرگن. شونینگدیک اوشبو عیالدن نیچه باله قالگن.
قندوز پولیسی سوزلاوچیسی نینگ ایتیشیچه، بو عیال کیم آرقهلی طالبلرنینگ آلدیگه آلیب باریلگنی حاضرگچه بیللی بولمهگن، بیراق بو توغریده تیرگاو باشلنگن.
طالبان حاضرگچه بو حقده فکر بیلدیرمهگن.
شونینگدیک نیچه هفته آلدین طالبان باشقه بیر عیال پولیس نی عایلهسی نینگ کوزی نی برابریده اوققه توتیب اولدیرگن ایدی.
